Emoniko tali pameke eitavelo

9:1-7

Diladila nghee Jesus a li e udite pefimbo lemoniko olo lididilikwedi eshi a uda ondaka yaXe womeulu kutya okwe mu hokwa. Eendjovo odo oda li da pameka Jesus eshi a li ta ka hepekwa. Emoniko olo ola li yo la kuma Petrus, Jakob naJohannes. Ova li va tomhwa filufilu kutya Jesus oye Messias, nova li va katuka pandunge eshi ve mu pwilikina. Nokuli nokonima yomido 32, Petrus okwa li ta dimbuluka nawa oshiningwanima osho nokwa li a mona oushili ‘wondjovo youxunganeki.’ — 2Pet 1:16-19.

Nonande fye inatu mona exunganeko olo likumwifi nomesho etu okomutwe, otu wete nghee tali wanifwa. Jesus ota pangele e li Ohamba inaenghono. Mafiku ota i a ka “findane” nokuyeululila ovayuki omhito yokuya mounyuni mupe. — Eh 6:2.

Eitavelo loye ola pamekwa ngahelipi eshi wa mona exunganeko lopaMbiibeli tali wanifwa po?