Eshito ohali tu kwafele tu kale tu na elineekelo la kola mounongo waJehova

Mbela Jehova oha kala ngoo e shii alushe osho sha denga mbada kufye? Heeno, oha kala e shi shii! Ngeenge otwa kala twa itavela oshinima osho, ohatu ka ulika kutya otu na ounongo eshi hatu landula ewiliko laye. (Omayel 16:3, 9) Ashike elineekelo letu mewiliko laye otashi dulika li yelekwe, ngeenge ewiliko laye itali tu kumwe naasho twa diladila. Ohatu dulu okukala tu na elineekelo la kola mounongo waJehova mokukala hatu dilonga keshito laye. — Omayel 30:24, 25; Rom 1:20.

TALENI OKAVIDIO MBELA OINIMA OYA SHITWA? EEMHUKA OHADI HENUKA NGAHELIPI OKULIPUMA MUMWE?, NDELE TAMU KUNDAFANA OMAPULO TAA SHIKULA:

• Eemhuka ohadi kala de lipyakidila unene nashike efiku keshe?

• Eemhuka ohadi henuka ngahelipi okulipuma mumwe?

• Ovanhu otave lihongo shike konghedi omo eemhuka hadi ende okudja konhele imwe da yuka kuikwao?

TALENI OKAVIDIO MBELA OINIMA OYA SHITWA? EENYIKI OHADI TUKA MOMHEPO NOUPU, NDELE TAMU KUNDAFANA OMAPULO TAA SHIKULA:

• Ovanhu ohava shakeneke omashongo elipi ngeenge tava shingi eedila dinini?

• Eenyiki ohadi pondola ngahelipi okutuka nopehe na okutwaalelwa komhepo?

• Ouwa ulipi ovanhu tava dulu okumona mounongo wopaushitwe weenyiki?

Oumbangi u na sha nounongo waJehova ulipi wa mona meshito moshitukulwa omo ho di?