Eenghedi nhatu omo hatu dulu okuulika kutya otwe lineekela Jehova

David okwa li a finda Goliat, molwaashi okwa li e lineekela Jehova. (1Sam 17:45) Jehova okwa halelela okukwafela ovapiya vaye. (2Omaf 16:9) Ongahelipi hatu dulu okuulika kutya otwe lineekela Jehova, ponhele yokulineekela mowino wetu, ile okudula kwetu? Natu ka tale keenghedi nhatu tadi landula:

• Ilikana alushe. Ino ilikana ashike u diminwe po konima eshi wa ninga epuko, ndele ilikana u pewe eenghono eshi wa taalela eshongo. (Mat 6:12, 13) Ino ilikana ashike kuJehova a nangeke noupuna omatokolo oo wa ninga nale, ndele kala yo ho ilikana, opo e kupe ewiliko noku ku pa ounongo ofimbo ino ninga omatokolo. — Jak 1:5

• Kala ho lesha nokukonakona Ombiibeli pandjikilile. Lesha Ombiibeli keshe efiku. (Eps 1:2) Dilonga koihopaenenwa yopaMbiibeli, nokutula moilonga oilihongomwa oyo to lihongo mo. (Jak 1:23-25) Kala ho lilongekidile oukalele, ponhele yokulineekela owino woye mwene. Kala ho lilongekidile okwoongala komesho yefimbo, opo u dule okumona mo ouwa pauyadi.

• Kala ho endele pamwe nehangano laJehova. Shikula omalombwelo oo eli pefimbo, oo hatu pewa kehangano laye, nokudulika kuwo meendelelo. (Num 9:17) Kala ho pwilikine komayele nokomalombwelo ovakulunhuongalo. — Heb 13:17

TALENI OKAVIDIO KATU NA OUMBADA WOKUTILA OMAHEPEKO, NDELE TAMU KUNDAFANA OMAPULO TAA SHIKULA:

• Ovamwatate novamwameme ova li ve na oumbada wa shike?

• Oshike she va kwafela vaha kale vali ve na oumbada?