OKUKALA OMUKRISTE WASHILI
Jehova oha xupifa ovo va wililwa po
Atusheni ohatu udu nai omafimbo amwe. Okuuda nai itashi ti kutya omunhu ke na eitavelo muJehova. Nokuli naJehova okwa ulika kutya oha udu nai omafimbo amwe. (Gen 6:5, 6) Ndele mbela ongahelipi ngeenge ohatu kala ashike tu udite nai unene oikando ihapu, ile nokuli efimbo keshe?
Ilikana kuJehova e ku kwafele. Jehova oku na ko nasha noukolele wetu wopamaliudo. Oku shi shii ngeenge twa hafa, ile twa uda nai. Oku udite ko kutya omolwashike hatu diladila notu udite ngaho. (Eps 7:9b) Eshi sha fimanenena, Jehova oku na ko nasha nafye nota dulu oku tu kwafela, ngeenge tu udite nai, ile twa polimana. — Eps 34:18.
Amena oukolele woye wopamaliudo. Ngeenge twa teka omukumo ihashi kumu ashike ehafo letu, ndele ohashi kumu yo ekwatafano letu naJehova. Nomolwaasho twa pumbwa okwaamena omutima wetu, ounhu wetu womeni. — Omayel 4:23.
TALENI OKAVIDIO NGHEE OVAMWATATE TAVA HAFELE OMBILI NONANDE OVA POLIMANA, NDELE TAMU NYAMUKULA OMAPULO TAA SHIKULA:
Oinima ilipi ya kwafela Nikki, opo a dule okuungaunga nepolimano?
Omolwashike Nikki a li e udite kutya okwa pumbwa ekwafo lopaunamiti? — Mat 9:12
Omeenghedi dilipi Nikki a li e lineekela muJehova, opo e mu kwafele?