Kalunga oku na ko nasha naave
OMBIIBELI oi na omayele mawa, molwaashi oya dja kuKalunga. Kai fi embo lopauhaku, ashike otai dulu oku tu kwafela meenghedi tadi longo di na sha nanghee hatu dulu okuungaunga neenghalo di ngulutila, nomadiladilo a piyaana, nomaliudo a yahameka nosho yo noudu wopalutu nowopamadiladilo.
Eshi sha fimanenena oshosho kutya Ombiibeli oye tu shilipaleka kutya Omushiti wetu, Jehova Kalunga,a oku udite ko omadiladilo nomaliudo etu e dulife ovanhu aveshe. Okwa halelela oku tu kwafela tu ungaunge noupyakadi keshe twa talela. Pashihopaenenwa, konakona omishangwa mbali odo tadi hekeleke:
“Omwene oku li popepi nomitima da teyauka, Ye oha xupifa ava ve nomhepo ya nyanyauka.” — EPSALME 34:18.
“Aame Omwene Kalunga koye handi kwata eke loye lokolulyo, Ame ou handi ku lombwele: ‘Ino kala wa tila, Ame ohandi ku kwafa.’” — JESAJA 41:13.
Mbela Jehova ohe tu kwafele ngahelipi tu ungaunga noupyakadi wopamadiladilo? Ngaashi to ke shi mona moitukulwa tai landula, Jehova okwa ulika shili kutya oku na ko nasha nafye meenghedi dihapu.
a Jehova edina laKalunga. — Epsalme 83:18, NWT.