Okufaneka otaku ku kwafele u dimbuluke osho we lihonga

Ihashi kala alushe shipu okudimbuluka osho twe lihonga. Ashike ohashi kala shipu okudimbuluka osho Jesus a li a honga, molwaashi luhapu okwa li ha longifa omafaneko. Oto dulu okufaneka momadiladilo osho Jesus a popya, naasho otashi ku kwafele u dimbuluke osho a honga. Sha faafana, naave oto dulu okudimbuluka oinima oyo we lihonga, ngeenge owa kendabala oku i faneka momadiladilo. Ongahelipi vali to dulu okuninga ngaho? Omokufaneka omafano, eshi to konakona.

Ovanhu ovo hava faneke omafano, ngeenge tave lihongo oshinima shipe, luhapu ohava dimbuluka noupu osho ve lihonga. Okufaneka omafano ihaku va kwafele ashike va ude ko nawa oitya oyo tava lesha, ndele ohaku va kwafele yo va ude ko enenediladilo laasho tava lesha. Omafano avo ihaa kala a kitakana, ndele ohaa kala e li paunafangwa. Okufaneka omafano ohaku kwafele unene ovanamido va dimbuluke osho ve lihonga.

Moshikando tashi shikula ko, ngeenge to konakona, oto dulu okukendabala okufaneka omafano aasho to lihongo. Otashi dulika shi ke ku kumwife, eshi to dimbuluka oinima oyo we lihonga.