Oshileshwa 16

Etokolo Loye lOkulongela Kalunga

Ou na okuninga shike opo u ninge kaume kaKalunga? (1, 2)

Ongahelipi to liyapulile Kalunga? (1)

Onaini u na okuninginifwa? (2)

Ongahelipi to dulu okumona eenghono dokukala wa diinina muKalunga? (3)

1. Opo u ninge kaume kaKalunga, ou na okumona eshiivo le lixwa po loshili yOmbibeli (1 Timoteus 2:3, 4), okwiitavela oinima oyo we lihonga (Ovaheberi 11:6), okulivela ombedi omolwoulunde woye (Oilonga 17:30, 31, NW), nokulialuluka monghalamwenyo yoye. (Oilonga 3:19) Opo nee ohole yoye yokuhola Kalunga oi na oku ku linyengifa u liyandje kuye. Eshi otashi ti kutya meilikano loye lopaumwene oto mu lombwele kutya ove oto liyandje kuye u longe ehalo laye.—Mateus 16:24; 22:37.

2. Konima eshi we liyapulila Kalunga, ou na okuninginifwa. (Mateus 28:19, 20, NW) Eninginifo otali shiivifa aveshe kutya ove owe liyapulila Jehova. Onghee hano eninginifo olaavo ashike va kula tava dulu okuninga etokolo lokulongela Kalunga. Ngeenge omunhu ta ninginifwa, olutu laye alishe oli na okutulwa koshi yomeva okafimbo kanini.a—Markus 1:9, 10; Oilonga 8:36.

3. Konima eshi wa ninga eliyapulo loye, Jehova ota ka teelela u liufe keudaneko loye. (Epsalme 50:14; Omuudifi 5:4, 5) Ondiaboli otai ka kendabala oku ku efifa po okulongela Jehova. (1 Petrus 5:8) Ndelenee ehena kuKalunga meilikano. (Ovafilippi 4:6, 7) Konakona Eendjovo daye efiku keshe. (Epsalme 1:1-3) Dama keongalo. (Ovaheberi 13:17) Mokuninga aishe ei, oto ka mona eenghono dokukala wa diinina muKalunga. Kungaha oto dulu okuninga oinima oyo Kalunga ta pula kwoove fiyo omoukwaalushe!

[Footnote]