Ombibeli oyo emona la dja kuKalunga

1. Ope na embo le likalekelwa,

Tali tu pe ombili nehafo.

Ola mwenyopaleka “oonakufya.”

“Ovapofi” la twikulula yo.

Embo eli londilo Ombibeli.

La shangwa kovatilikalunga,

Ovo va li va nwefwa mo komhepo

Iyapuki ya dja kuJehova.

2. Va shanga kombinga yeshito laye,

Nghee eshito la shitwa neenghono,

Nanghee okunyona kwa holoka po,

Nanghee oparadisa ya kana.

Nomweengeli umwe mukolokoshi

A li a tukula oshibofa

Nokwa etifa o-ulunde nefyo.

Va xunganeka yo exulilo.

3. Kunena efimbo olitunhula;

O-uhamba owa dikwa nale.

Mafiku Jehova ota xupifa

Keshe o-u ta dulika kuye.

Ka-i fi mbela onghundana iwa

Oyo ta-i hangwa mOmbibeli!

Ta-i tu pe ombili yokomwenyo.

Ombibeli emona loshili.