Jesus okwa li omunhu a tya ngahelipi?

Jehova okwa li a tuma Jesus kombada yedu. 1 Johannes 4:9

Ngeenge otwa hala okuhafifa Jehova, otu na okukala hatu pwilikine komunhu umwe vali a fimana. Nale fimbo Jehova a li ina shita Adam, okwa shita omunhu wopamhepo omunaenghono meulu.

Konima yefimbo, Jehova okwa li a tuma omunhu oo e uye a dalelwe muBetlehem kokakadona Maria. Okaana oko ka li ka dalwa oka li ka lukwa Jesus. — Johannes 6:38.

Eshi Jesus a li omunhu kombada yedu, okwa li a hopaenena filufilu omaukwatya aKalunga. Okwa li e na olune, omunahole noha popiwa naye noupu. Jesus okwa li yo ha hongo ovanhu oshili kombinga yaJehova ehe na oumbada.

Jesus okwa li ha longo ouwa, ndele okwa li e tondike. 1 Petrus 2:21-24

Ovawiliki vomalongelokalunga ova li ve tonde Jesus molwaashi okwa li a nyaneka pomutenya omahongo avo oipupulu nosho yo oilonga yavo ii.

Jesus okwa li yo a velula ovanaudu nokwa nyumuna ovafi vamwe.

Ovawiliki vomalongelokalunga ova li va heka Ovaroma va denge Jesus noku mu dipaa.