OSHITUKULWA 8

Efyo laJesus ole ku etela ouwa ulipi?

Jesus okwa fya opo tu dule oku ka kala nomwenyo waalushe. Johannes 3:16

Ovakainhu tava tale mombila omo mwa li Jesus

Omafiku atatu konima yefyo laJesus, ovakainhu vamwe ova li va ya kombila yaye, ndele inave mu hanga mo. Ova hanga a nyumunwa koufi.

Jesus te lihololele ovayapostoli vaye, nolwanima okwa ka londa tai meulu

Lwanima, Jesus okwa li a holokela ovayapostoli vaye.

Jehova okwa nyumuna Jesus e li oshishitwa shopamhepo oshinaenghono noshi na oukwatya wokuhafya. Ovahongwa vaJesus ove mu mona eshi ta londo keulu.

Kalunga okwa nyumuna Jesus nokwe mu ninga Ohamba yOuhamba waYe. Daniel 7:13, 14

Jesus e li meulu kolukalwapangelo laye, nota pangele ovanhu ovo ve li mOparadisa kombada yedu

Jesus okwa yamba po omwenyo waye opo a kulile ovanhu. (Mateus 20:28) Kalunga okwe shi ninga tashi shiiva opo tu dule oku ka kala nomwenyo fiyo alushe omolwekulilo olo.

Jehova okwa nangeka po Jesus a ka pangele edu e li Ohamba. Ota ka pangela pamwe novanhu ovadiinini ve li 144 000, ovo hava nyumuninwa omwenyo womeulu. Jesus novanhu 144 000 ovo ve li epangelo lomeulu liyuki, sha hala okutya, Ouhamba waKalunga. — Ehololo 14:1-3.

Ouhamba waKalunga otau ka ninga edu oparadisa. Itaku ka kala vali oita, ekaulonyanga, oluhepo nosho yo ondjala. Ovanhu otava ka kala va hafa shili. — Epsalme 145:16.