Ovo hava pwilikine kuKalunga otava ka mona omanangeko noupuna elipi?

Oonakufya vahapu otava ka nyumunwa va kale nomwenyo kombada yedu. Oilonga 24:15

Diladila ashike kutya oto ka hafela omanangeko noupuna elipi ngeenge owa kala ho pwilikine kuJehova! Oto ka kala u na oukolele muwa. Kape na oo ta ka kala ta ehama ile oshingolomena. Itapa ka kala ovanhu ovo hava longo owii, noto ka kala we lineekela ovanhu aveshe.

Itapa ka kala vali omikifi, oluhodi nokulila. Ovanhu itava ka kulupa vali nokufya.

Oto ka kala momudingonoko omo mu na ookaume koye noukwaneumbo weni. Onghalamwenyo otai ka kala ihafifa mOparadisa.

Ovanhu itava ka kala ve na oumbada washa, ndele otava ka kala va hafa shili.

Ouhamba waKalunga otau ka xulifa po okumona oixuna akushe. Ehololo 21:3, 4