Owa tala ko ngahelipi Ombibeli?
Mbela oho ti . . .
embo lounongo wopanhu?
embo leengano nomahokololo onale?
embo la dja kuKalunga?
OSHO OMBIBELI TAI TI
‘Omishangwa adishe oda yandjwa keenghono domhepo yaKalunga.’ — 2 Timoteus 3:16, Ombiibeli yOshikwanyama yomo 2013.
OUWA OO TO DULU OKU KA MONA NGEENGE OWA ITAVELA MOMBIBELI
Ombibeli otai yandje omanyamukulo taa mbilipaleke komapulo afimana monghalamwenyo. — Omayeletumbulo 2:1-5.
Otai tu pe ewiliko li shii okulineekelwa monghalamwenyo yetu yakeshe efiku. — Epsalme 119:105.
Otai tu pe eteelelo lashili li na sha nonakwiiwa. — Ovaroma 15:4.
OHATU DULU NGOO OKWIITAVELA OSHO OMBIBELI TAI TI?
Heeno, ohatu dulu omolwomatomheno atatu lwaapo:
Okutwa kumwe kukumwifi. Ombibeli oya shangwa moule womido di dulife 1 600 da pita kovanhu 40 va yoolokafana. Vahapu vomuvo kava li ve shaafane. Ndele nande ongaho, embo alishe otali tu kumwe noli na enenediladilo limwe.
Ondjokonona i shii okulineekelwa. Luhapu ovanandjokonona ihava shange kombinga yokufindwa kwovanhu vavo. Ndele mepingafano naasho, ovashangi vOmbibeli ova shanga kombinga yomapuko avo vene nosho yo oshiwana shavo. — 2 Omafimbo 36:15, 16; Epsalme 51:3-6.
Omaxunganeko e shii okulineekelwa. Ombibeli oya li ya xunganeka kombinga yehanauno loshilando shonale Babilon, omido 200 lwaapo komesho yefimbo. (Jesaja 13:17-22) Inai holola ashike nghee oshilando osho sha li tashi ka hanaunwa po, ndele oya popya nokuli nedina laau a li te ke shi hanauna po. — Jesaja 45:1-3.
Omaxunganeko makwao mahapu Ombibeli nao okwa li a wanifwa pauyadi. Mbela osho hasho twa teelela shi na sha nEendjovo daKalunga? — 2 Petrus 1:21.
DILADILA KOMBINGA YA ASHI:
Ongahelipi Eendjovo daKalunga tadi dulu okulundulula onghalamwenyo yoye?
Ombibeli otai nyamukula epulo olo MUJESAJA 48:17, 18 nosho yo mu 2 TIMOTEUS 3:16, 17.