Nghee to dulu okuhanga omitima dovanhu

Omayeletumbulo 3:1

ENGONGO: Kwafela ovapwilikini voye va pandule ouyelele oo we va pa nokukatuka eenghatu she likolelela kwaasho ve lihonga.

NGHEE U NA OKU SHI NINGA:

• Kwafela ovapwilikini voye ve likonakone. Pula omapulo oo taa ningifa ovapwilikini ve likonakone pauhandimwe.

• Omalinyengotomheno a yuka. Ladipika ovapwilikini voye va mone kutya omolwashike hava longo oilonga ya yuka. Va kwafela va kale have shi ningi tashi di komutima, tave linyengifwa kohole yokuhola Jehova, ovanhu vakwao nosho yo kwaasho ve lihonga mOmbiibeli. Va kwafela va mone osho Ombiibeli tai ti; ino va tangunina. Ponhele yoku va ningifa va kale va fya ohoni ile ve udite ondjo, va twa omukumo pexulilo loshipopiwa shoye noku va ladipika va longe ngaashi tava dulu.

• Yukifa elitulemo kuJehova. Ulika kutya omahongo Ombiibeli, omafinamhango nosho yo oipango yaJehova otai holola ohole yaye yoku tu hola nosho yo omaukwatya aye amwe. Kwafela ovapwilikini voye va mone nghee Jehova ha kala e udite nova longe osho tashi mu hafifa.