Honga monghedi i li paunafangwa

Osho Jesus a ninga

OKAVIDIO: Jesus ta yelifa nghee Tate yetu e na ko nasha nafye

1. Tala OKAVIDIO, ile lesha Mateus 6:25-27. Opo nee to nyamukula omapulo taa shikula:

1. Ongahelipi Jesus a yelifa kutya Jehova oku na ko nasha nafye?

2. Nonande Jesus okwa li e shii shihapu kombinga youdila, okwa yandja elitulemo kushike? Omolwashike oyo ya li onghedi iwa yokuhonga?

Oshike hatu lihongo kuJesus?

2. Ngeenge onghedi yetu yokuhonga oi li paunafangwa, ovanhu otava ka pwilikina kufye notashi ka kuma omitima davo.

Hopaenena Jesus

3. Ino popya unene. Ponhele yokupopya ashishe osho u shii kombinga yoshikundafanwa osho, yandja elitulemo kouyelele oo u li moshishangomwa osho tamu kundafana. Konima eshi wa pula epulo, teelela nelididimiko, opo a nyamukule. Ngeenge ke shii enyamukulo, ile a yandja enyamukulo olo li li omhinge nomahongo Ombiibeli, longifa omapulo a wedwa po, opo u mu kwafele a diladile moule. Ngeenge oshitwa oku shi udite ko, indeni komesho.

4. Longifa oinima oyo omukonakoni woye e shii nale, opo u mu kwafele a ude ko oinima ipe oyo te lihongo. Pashihopaenenwa, ofimbo inamu hovela noshileshwa shi na sha nenyumuko, otashi dulika wa pumbwa okuuda kutya okwa li e lihonga shike nale kombinga yonghalo yoonakufya.

5. Longifa omafaneko noukeka. Ofimbo ino longifa efaneko lipula kutya:

1. ‘Mbela efaneko eli oli li ngoo paunafangwa?’

2. ‘Mbela omukonakoni wange ote ke li uda ko ngoo?’

3. ‘Mbela otali ka kwafela ngoo omukonakoni wange a dimbuluke oshitwa osho sha fimana, ndele hafaneko ashike?’