Osho to dulu okutya ngeenge to yandje oifo

Oshungonangelo 1 Januali

“Ovanhu vahapu vomalongelokalunga e lili noku lili ohava ti kutya ove li ovashikuli vashili vaKristus. Ndele mbela ongahelipi hatu dulu okudidilika mo Ovakriste vashili? [Teelela omunhu a nyamukule.] Natu tale kwaasho Ombibeli tai ti. [Lesha Mateus 7:17, 20.] Oshifo eshi otashi tu kwafele tu shiive kutya okukala omushikuli waKristus washili osha kwatelwa mo shike.” Ulikila omunhu oshitukulwa osho sha hovela pepandja 18.

Awake! Januali

Lesha Oilonga 17:31a. Opo nee tya: “Ovanhu vahapu ngeenge tava diladila kombinga yEfiku lEtokolo ohava kala va tila. Mbela ove ou li uditile ngahelipi? [Teelela omunhu a nyamukule.] Ombibeli otai hongo kutya Efiku lEtokolo otali ka eta omanangeko noupuna mahapu kombada yedu. Oshitukulwa eshi otashi yelifa oshinima osho.” Ulikila omunhu oshitukulwa osho sha hovela pepandja 10.

Oshungonangelo 1 Februali

“Omalongelokalunga oku na omataleko taa kondjifafana e na sha nelongifo loikunwa yoalkoholi. Mbela ove oto diladila kutya Kalunga oha tale ko ngahelipi ovanhu ovo hava nu oikunwa yoalkoholi? [Teelela omunhu a nyamukule.] Nonande Ombibeli oya popya kutya pomhito imwe Jesus okwa li a shitukifa omeva omaviinyu, natu tale yo vali osho tai ti. [Lesha Omayeletumbulo 23:20a.] Oshifo eshi otashi yelifa etaleko lOmbibeli li li pandjele li na sha naasho.”

Awake! Februali

“Eteyohombo oli li apeshe kunena. Ndele mbela oto diladila kutya ovalihomboli vahapu ovo hava teya ohombo ohava kala ngoo va diladila kombinga yoinima aishe ya kwatelwa mo ofimbo inava tokola okuteya ohombo? [Teelela omunhu a nyamukule, ndele to lesha Omayeletumbulo 14:15.] Oshifo eshi otashi yelifa oinima ine oyo ovalihomboli ve na okudiladila kuyo ngeenge tava diladila okuteya ohombo.”