Oshimhungu shomapulo
◼ Oshike tashi ku kwafele u mone kutya omunhu wonhumba okwa pumbwa okupewa oshileshomwa ile hasho?
Osha fimanenena okutala tete ngeenge omunhu oku na tuu ohokwe ile hasho. Ngeenge oku na ohokwe shili, ohatu dulu oku mu pa oifo ivali, okabroshure, embo ile oileshomwa ikwao oyo tu kwete. Omunhu otu na oku mu pa shimwe shomoileshomwa oyo nonande otwa didilika kutya oku na ashike okamaliwa kanini ile ke na sha opo a yambidide oilonga yomounyuni aushe. (Job 34:19; Eh. 22:17) Ndele nande ongaho, katu na okupa ovanhu oileshomwa yetu i na ondilo ovo vehe na ohokwe nandenande. — Mat. 7:6.
Ndele ongahelipi hatu dulu okumona kutya omuneumbo oku na ohokwe ile hasho? Oto dulu okumona kutya oku na ohokwe okupitila meenghundafana deni diwa. Ngeenge ota pwilikine eshi to popi, ta nyamukula omapulo nota holola omadiladilo aye, otashi ulike kutya okwe litula mo meenghundafana deni. Kakele kaasho, omunhu oo ta landula eshi to mu leshele mOmbibeli ota ulike kutya okwa fimaneka Eendjovo daKalunga. Efimbo limwe ohashi kala shiwa okupula ngeenge ota ka lesha ngoo oshileshomwa osho we mu pa. Ovaudifi ove na okulongifa eendunge dokuyoolola opo va tale ngeenge omunhu oku na tuu ohokwe shili ile hasho. Pashihopaenenwa, ngeenge hatu longo epandavanda katu na ashike okukala hatu havaleke keshe oo ta piti pufye oifo, oubroshure ile omambo, ndele otu na okupa ovo ve na ohokwe. Ngeenge otwa nyengwa okumona kutya omunhu wonhumba oku na ohokwe ile hasho, oshixwepo oku mu pa ashike okambapila kokushiva ile okatraktate.
Sha faafana, omuudifi ke na okupewa oileshomwa she likolelela kouhapu womayambidido oo ha yandje, ndele oshe likolelela kwaasho ta dulu oku ka longa moukalele. Omayambidido oo haa yandjwa ihaa futile po oileshomwa, ndele ohaa yambidida ashike oilonga aishe yokuudifa yomounyuni aushe. Onghee hano, kashi na nee mbudi kutya otu na oyuuyemo i fike peni, ohatu ke linyengifwa kolupandu letu lokupandula Jehova tu yambidide oinima yOuhamba shi fike pwaasho hatu dulu okuyandja. (Mark. 12:41-44; 2 Kor. 9:7) Olupandu letu otali ke tu linyengifa yo tuha kufe oileshomwa ihapu unene i dulife pwaayo twa pumbwa, nokungaho, itatu ka hepifa oiniwe yehangano.
[Eendjovo dididilikwedi pepandja 2]
Ovaudifi ove na okulongifa eendunge dokuyoolola opo va tale ngeenge omunhu oku na tuu ohokwe shili ile hasho