Onghedi ya denga mbada omo hatu dulu okuhafela omaimbilo Ouhamba
Ovapiya vaKalunga ova tala ko omusika kutya oi li oshali i na ondilo oyo ya dja kuJehova. (Jak. 1:17) Momaongalo mahapu ohamu danwa oungalo vomaimbilo Ouhamba komesho nokonima yokwoongala. Eemusika dOuhamba da tya ngaho ohadi tu tulumukifa ngeenge tu li pokwoongala. Ohadi ngungumaneke omadiladilo etu nohadi tu kwafele tu kale twe lilongekida oku ka pwilikina koitukulwa yokwoongala. Natango, ngeenge otwa kala hatu dana eengovela odo dipe otashi ke tu kwafela tu shiive nawa omaimbilo oo notu kale hatu a imbi nawa. Omusika oyo hai danwa konima yokwoongala ohai tu kwafele tu hafele eendafano tali tungu novaitaveli vakwetu. Olutu lovakulunhuongalo meongalo keshe oli na okuninga omalongekido opo eongalo lavo li kale hali dana okangalo omo mu na ashike omusika, komesho nokonima yokwoongala. Ove na yo okushilipaleka kutya omutono womusika owoshiyeleke noitau imbi ovanhu va kundafane.