“Omaetepo e na sha nanghee taku dulu okuyandjwa oifo mu . . . ”

Omwedi keshe, pOkwoongala kwoPailonga ohapa kala oshitukulwa osho tashi kundafana nghee hatu dulu okuyandja oifo moukalele. Elalakano lasho kali fi okweendulula oikalimo yoifo, ndele osha nuninwa okukundafana omaetepo e na sha nanghee tai dulu okuyandjwa. Onghee hano, she likolelela komulandu oo wa tulwa po, omumwatate oo ta kwatele komesho oku na okuninga etwalemo li li pauxupi lela a ladipike ovapwilikini va tye sha. Opo nee na pule ovaudifi kutya omaetepo elipi va diladila oku ka longifa e na sha noshitukulwa osho a hoolola (ile oitukulwa ya pambafana) opo aveshe va dule okulandula nokudidilika omaetepo oo va hala oku ka longifa. Ponhele yokupula ovapwilikini va popye omaetepo aeshe oo a etwa moshifo, va pula kutya omapulo elipi tava dulu oku ka longifa oo taa pendula ohokwe yovanhu noku va pula yo va ninge omatyekosha e na sha nomishangwa odo tava ka longifa. Xuuninwa, napa ningwe euliko li na sha nanghee oshifo keshe shi na okuyandjwa. Ohatu ladipikwa tu leshe oifo komesho yefimbo opo tu dule oku ka ninga omaetepo. Ngeenge atusheni otwa kala hatu lilongekida nawa, kungaho, oshitukulwa eshi otashi ke tu kwafela tu upikafaneni.— Omayel. 27:17.