Oihopaenenwa yomatwalemo

Eetepo li na sha nokuhovela omakonakonombibeli mOlomakaya lotete laOktoba

“Konyala keshe omunhu oha ilikana pefimbo lonhumba ile longadi, ndele vahapu ove udite kutya Kalunga iha pwilikine komailikano avo. Mbela oto diladila kutya otu na okuninga shike opo Kalunga a pwilikine komailikano etu?” Teelela omunhu a nyamukule. Opo nee mu ulikila oshitukulwa osho shi li kombada yOshungonangelo yaSeptemba-Oktoba ndele tamu kundafana naye ouyelele oo u li koshi yepulo etivali nokulesha nande omushangwa umwe womwaado da etwa mo. Yandja oshifo komuneumbo nokuninga elongekido u aluke.

Oshungonangelo Septemba–Oktoba

“Ovanhu vahapu ohava hafele okutala omafano oipala ile okulesha nokupwilikina koinima ikwao ya nyika omilele. Nandi ku pule, mbela oto diladila kutya Kalunga oku uditile ngahelipi oshinima sha tya ngaho? [Teelela omunhu a nyamukule.] Jesus okwa holola etaleko laKalunga muMateus 5:27, 28. [Lesha] Oshifo eshi osha kundafana kutya omolwashike Kalunga a tala ko omafano oipala e li oshinima shii notashi yandje yo omayele taa longo e na sha nanghee hatu dulu okumanguluka ko komwiyo wa tya ngaho.”

Awake! Oktoba

“Onda hala okuuda kutya oto ti ngahelipi kepulo eli: Mbela ohatu dulu ngoo okukala twa wanenwa ngeenge katu na oinima ihapu yopamaliko? [Teelela omunhu a nyamukule.] Didilika osho Ombibeli tai ti. [Lesha 1 Timoteus 6:8.] Oshifo eshi otashi tu kwafele tu kale tu na etaleko li li pandjele li na sha noinima yopamaliko nosha kundafana oinima itatu ina ongushu oyo itatu dulu okulanda noimaliwa.”