Oho longifa ngahelipi efimbo loye pefimbo lomafudo?

Molwaashi ovanhu vahapu omo hava kala momaumbo pefimbo lomafudo opalongelokalunga ile opashiwana, ohashi kala omhito iwa yokukufa ombinga moukalele. Omaongalo otaa ladipikwa a kale haa ningi omalongekido okuudifa pomafimbo omafudo a tya ngaho. Ngeenge ovanhu vahapu ihava penduka diva pomafimbo omafudo, elongekido lokuya moukalele ola pumbwa okuningwa pefimbo tali wapalele. Oku na okukala haku ningwa eshiivifo shi na sha nelongekido olo la ningwa po onhomenawina okuudifa pefimbo olo novaudifi aveshe ove na okuladipikwa va kufe ombinga. Oshoshili kutya pomafudo ohashi kala omhito iwa yokufuda po ile yokuninga oinima yopaumwene. Ndele omolwashike itatu longifa po efimbo lonhumba okuya moukalele? Kungaho, ohatu ka monena eemwenyo detu etulumuko olo hali di mokulonga oilonga iyapuki. — Mat. 11:29, 30.