Oihopaenenwa yomatwalemo

Onghundana yOuhamba onomola 38

“Ohandi kufa ombinga moshikonga tashi ningwa mounyuni aushe shokuyandja etumwalaka eli la fimana. Okafo koye oko aka.”

Didilika: Ninga etwalemo lixupi, opo mu mane ko oshitukulwa. Ashike omafimbo amwe omuneumbo otashi dulika a ulike ohokwe lela nokwa hala mu kundafane. Ngeenge osho shi li ngaho, oto dulu oku mu pula kutya ota ti ngahelipi kombinga yepulo olo li li kombada, to mu leshele enyamukulo lopaMbibeli ngaashi sha ulikwa meni lokafo nokukundafana naye oshikalimo shokafo ngeenge efimbo otali shi pitike. Fimbo ino ya, mu ulikila epulo olo li li koshi yokapalanyole “Diladila kombinga yaashi” nokuninga elongekido u aluke mu uye mu li kundafane.

Oshungonangelo Novemba–Desemba

“Ohatu mu talele po molwaashi ovanhu vahapu moshitukulwa shetu ohave lipula kutya omolwashike Kalunga a efa pa kale okumona oixuna kuhapu. Mbela naave osho ho lipula ngaho? [Teelela omunhu a nyamukule.] Oshihokwifa okuuda osho Ombibeli ya udaneka kutya fiku limwe lomomafiku itapa ka kala vali okulila nouyahame. [Lesha Ehololo 21:4.] Oshifo eshi osha kundafana omatomheno atano a fimana kutya omolwashike pe na okumona oixuna kuhapu. Osha ulika yo osho Ombibeli ya ti shi na sha nanghee Kalunga ta ka xulifa po okumona oixuna.”

Awake! Novemba

“Ohatu kundafana pauxupi navamwe molwaashi ovanhu vahapu otave lipula shi na sha nokuxutuka kwomifikamhango dopaenghedi. Mbela oto diladila kutya ovanhu ovahekula omifikamhango davo dopaenghedi? [Teelela omunhu a nyamukule.] Ombibeli oya xunganeka kutya oikala nelihumbato lovanhu otali ka lunduluka. [Lesha 2 Timoteus 3:1-5.] Oshifo eshi osha yelifa kutya omolwashike hatu dulu okulineekela omifikamhango dopaenghedi odo di li mOmbibeli.”