Oihopaenenwa yomatwalemo
Eetepo li na sha nokuhovela omakonakonombibeli mOlomakaya lotete laDesemba
“Ovanhu vahapu ove shii eindilo lOmwene, nohava ilikana Ouhamba waKalunga u uye. Ngeenge Ouhamba owe uya, mbela ou shii kutya ongahelipi tau ka etela ovanhu ouwa? [Teelela omunhu a nyamukule.] Mu ulikila konima yOshungonangelo yaNovemba-Desemba, nokukundafana naye ouyelele oo u li koshi yepulo etivali nokulesha nande omushangwa umwe womwaado da etwa mo. Yandja oifo komuneumbo, nokuninga elongekido u aluke.”
Oshungonangelo Novemba-Desemba
“Kunena ovapanguli meemhangu ohava ungaunga noinima shihe li pauyuki, mbela oto diladila kutya otava ka pangula pauyuki ngeenge ova shikula omhango yaKalunga? [Teelela omunhu a nyamukule.] Didilika osho Ombibeli tai ti. [Lesha 2 Omafimbo 19:6, 7.] Oshitukulwa eshi shi li pepandja 7 loshifo eshi osha yelifa nghee ovanhu tava dulu okumona ouwa ngeenge ovapanguli ova kala hava pangula tava wilikwa keemhango daKalunga.”
Oshungonangelo Novemba-Desemba
“Mbela oto diladila kutya Ombibeli otai dulu okulundulula omunhu oo e na oikala yokuliholamwene? [Teelela omunhu a nyamukule.] Opo nee lesha Omayeletumbulo 3:5, 6. Pepandja 14 loshifo eshi opa yelifwa nghee Ombibeli ya lundulula onghalamwenyo ya umwe oo a li e na oikala yokuliholamwene.”