‘Eendjovo edi nadi kale momutima woye’
Ovadali otava dulu okufaafanifwa novafita voimuna. Ove na okufila oshisho ounona vavo molwaashi ovo unene hava twalwaatwalwa noupu nokuninga oihakanwa. (Omayel. 27:23) Ongahelipi ovadali tava dulu okuwanifa po oshinakuwanifwa osho? Ove na okukala hava longifa efimbo efiku keshe va kundafane nounona vavo opo va shiive omadiladilo avo naasho shi li momitima davo. (Omayel. 20:5) Ove na yo okutunga eitavelo lovana noitungifo yopafaneko oyo ihai pi. (1 Kor. 3:10-15) Okavidio, ‘Eendjovo edi nadi kale momutima woye’ oka divilika efimano lokuninga elongelokalunga loukwaneumbo pandjikilile. Taleni okavido oko mu li oukwaneumbo, nokukundafana omapulo taa landula.
(1) Oshike sha ningifa oukwaneumbo waRoman uha kale tau yandje elitulemo koinima yopamhepo? (2) Omolwashike eenghendabala domumwatate Roman inadi pondola potete pelongelokalunga loukwaneumbo? (3) Omushangwa ulipi tau dulu oku mu kwafela mu pondole eshi tamu tekula ounona? (Deut. 6:6, 7) (4) Oshike tashi dulu okukwafela oukwaneumbo u kale hau kundafana nawa? (5) Ounona ova teelela ovadali vavo va ninge omaliyambo elipi? (6) Ongahelipi elihumbato liwa lomumwatate nomumwameme Barrow la kwafela oukwaneumbo waRoman? (Omayel. 27:17) (7) Omitwe domaukwaneumbo oshike di na okuninga komesho yefimbo opo elongelokalunga loukwaneumbo wavo li pondole? (8) Omumwatate Roman okwa ninga po shike opo a xwepopaleke onghalo youkwaneumbo waye? (9) Omolwashike sha fimana okuninga elongelokalunga loukwaneumbo pandjikilile? (Ef. 6:4) (10) Omayele amwe taa longo elipi taa dulu okukundafanwa pelongelokalunga loukwaneumbo? (11) Oshike sha kwafela omumwatate Roman a dule okupopya a ngungumana noku na ondjungu eshi ta kwafele Marcus a kale a lenga okulonga osho sha yuka? (Jer. 17:9) (12) Ongahelipi omumwatate nomumwameme Roman va tomhafana naRebecca opo ve mu kwafele a ninge etokolo li li mondjila li na sha nekwatafano laye naJustin? (Mark. 12:30; 2 Tim. 2:22) (13) Omumwatate nomumwameme Roman ova ulika ngahelipi kutya ove na eitavelo eshi va ninga omalunduluko monghalamwenyo yavo? (Mat. 6:33) (14) Ongahelipi okavidio aka ka divilika kutya osha fimana komitwe domaukwaneumbo di kale handi palula pamhepo omaukwaneumbo ado? (1 Tim. 5:8) (15) Oshike wa tokola okuninga po u li omutwe woukwaneumbo?
OMITWE DOMAUKWANEUMBO NADI DIDILIKE: Okavidio aka oka kanghamena koshinyandwa osho osha danenwe poshoongalele shomo 2011. Mbela eshi we ka tala, owa didilika opo u na okuninga omalunduko opo u xwepopaleke elongelokalunga loukwaneumbo woye? Omolwashike itamu hovele okuninga omalunduluko paife? Ngeenge omwa pumbwa okuninga omalunduluko, ilikaneni mwa mana mo opo mu ninge omalunduluko oo taa etele oukwaneumbo weni ouwa tau kalelele. — Ef. 5:15-17.