Okuninga ekonakonombiibeli lopaumwene tali ti sha

OMOLWASHIKE SHA FIMANA?: Ekonakonombiibeli lopaumwene ohali tu kwafele tu ude ko ile tu ‘koneke oumbwalangadja, noule womukokomoko, noule woposhi, noule wopombada’ woshili. (Ef 3:18) Ohali tu kwafele tu kale tuhe na edilo lasha, twa koshoka mounyuni ou woukolokoshi notu ‘diinine eendjovo domwenyo.’ (Fil 2:15, 16) Ofye vene hatu dulu okuhoolola oinima oyo twa hala okukonakona she likolelela keemhumbwe detu pauhandimwe. Oshike hatu dulu okuninga opo tu mone ouwa pekonakonombiibeli lopaumwene?

NGHEE HATU DULU OKU SHI NINGA:

• Tenda eevelishe nokuninga omadidilikoshango mOmbiibeli yoye, kutya nee omOmbiibeli komudidi ile omoshikwaelektronika shoye

• Lipula omapulo taa shikula eshi to lesha Eendjovo daKalunga: ‘Olyelye? Oshike? Onaini? Openi? Omolwashike? Ongahelipi?’

• Mona oushili we lixwa po. Longifa eedjo dokukonga omauyelele, to kongo oshikundafanwa ile eevelishe dOmbiibeli

• Dilonga kwaasho to lesha nokutala nghee to dulu oku shi tula moilonga

• Tula moilonga osho we lihonga mokukalamwenyo kwoye kwakeshe efiku. — Luk 6:47, 48

TALENI OKAVIDIO EKONAKONOMBIIBELI TALI TI SHA OTALI TU KWAFELE TU KALE ‘OVADIININI’, NDELE TAMU KUNDAFANA OMAPULO TAA SHIKULA:

• Vamwe ova tala ko ngahelipi ekonakonombiibeli lopaumwene?

• Omolwashike tu na okwiilikana fimbo inatu hovela nekonakonombiibeli lopaumwene?

• Oshike tashi dulu oku tu kwafela tu ude ko nawa eevelishe dOmbiibeli?

• Omadidiliko elipi hatu dulu okulongifa ngeenge hatu ningi ekonakonombiibeli?

• Omolwashike okudilonga kwa fimana ngeenge hatu konakona Eendjovo daKalunga?

• Osho twe lihonga oshi na oku tu linyengifa tu ninge shike?