‘Twikileni okudiladila aishe ei’

Oinima aishe ei oilipi? Ovafilippi 4:8 ova ti natu diladile aishe ei yoshili, ya fimana, ya yuka, ya koshoka, i holike, i na etumbalo liwa, eenghedi diwa ile epandulo. Ashike nande ongaho, osho inashi hala okutya Ovakriste ova ngabekelwa ashike okudiladila kombinga yOmbiibeli. Ndele oinima oyo hatu diladila kuyo oi na okukala tai fimanekifa Jehova. Katu na okudiladila ile okuyandja elitulemo koinima oyo tai shi ningifa shidjuu okukala ovadiinini kuye. — Eps 19:14.

Ohashi kala eshongo okuhenuka okudiladila kombinga yoinima inai koshoka. Otu na okukondjifa okuhawanenena kwetu nosho yo enwefemo laSatana, ‘kalunga kefimbo lounyuni ou.’ (2Kor 4:4) Molwaashi oye ta pangele ounyuni ou, okwa nwefa mo oinima oyo hai kala kee-TV, keeradio, kointaneta nosho yo moishangomwa. Ngeenge ihatu dindi oinima oyo hatu yadeke momadiladilo etu, ohatu ka nyona po okudiladila kwetu, naasho otashi ka nwefa mo elihumbato letu. — Jak 1:14, 15.

TALENI OKAVIDIO HENUKA OSHO TASHI DULU OKUNYONA PO OUDIININI WOYE — OMALIHAFIFO INAA KOSHOKA, NDELE TAMU KUNDAFANA OMAPULO TAA SHIKULA:

• 

  Omumwatate okwa li ta tale shike kongodi yaye, nosha li she mu kuma ngahelipi?

• 

  Ovagalati 6:7, 8 nosho yo Epsalme 119:37 ova li ve mu kwafela ngahelipi?