Oshike hatu dulu okulihonga mOmaimbilo oko-Broadcasting?

Omaimbilo amwe elipi oko-Broadcasting u hole unene? Omolwashike? Mbela ouvidio vomaimbilo oo ohava ulike oinima oyo hai ningwa mokukalamwenyo kwakeshe efiku? Molwaashi omaimbilo oku na oipalanyole ya yoolokafana nokwa imbwa meenghedi da yoolokafana, keshe umwe ota dulu oku a tyapula. Ashike nande ongaho, omaimbilo oko-Broadcasting nosho yo ouvidio vao ova kwatela mo shihapu shihe fi ashike omalihafifo.

Eimbilo keshe loko-Broadcasting otali tu hongo oilihongomwa ya fimana mokukalamwenyo kwetu tu li Ovakriste nosho yo moukalele. Omaimbilo amwe otaa yandje elitulemo kokuyakula ovaenda, koukumwe, koukaume, kouladi, kohole ile keitavelo. Ofimbo amwe taa yandje elitulemo kokwaalukila kuJehova, kokudimina po, kokukanyatela oudiinini wetu efiku keshe nokokulitulila po omalalakano opamhepo. Ope na yo nokuli eimbilo limwe li na sha nokulongifa pandunge eengodi dopeke. Oilihongomwa imwe ya fimana ilipi vali we lihongo momaimbilo oko-Broadcasting?

TALENI OKAVIDIO KEIMBILO LOKO-BROADCASTING OPARADISA OI LI PODUKA, NDELE TAMU KUNDAFANA OMAPULO TAA SHIKULA:

• Ovalihomboli ovanamido ovo otava diladila komanangeko noupuna omonakwiiwa elipi? — Gen 12:3

• Ongahelipi hatu dulu okupameka eitavelo letu momaudaneko oo Jehova a udaneka okuwanifa po?

• Ovanhu otava ka hanganifwa ngahelipi mafiku?

• Ongahelipi eteelelo lOuhamba hali tu kwafele tu lididimikile omayeleko paife? — Rom 8:25