Kala wa pama eshi exulilo tali ehene popepi

OMOLWASHIKE SHA FIMANA: Mafiku oiningwanima ididilikwedi otai ka yeleka ouladi wetu nelineekelo letu muJehova, monghedi omo inashi ningwa nale. Oudjuu munene otau ka hovela nokuhanaunwa po kwomalongelokalunga oipupulu. (Mat 24:21; Eh 17:16, 17) Pefimbo olo lididilikwedi, otashi dulika tu ka udife nouladi etumwalaka letokolo. (Eh 16:21) Ohatu ka ponokelwa kuGog yaMagog. (Hes 38:10-12, 14-16) Opo Jehova a amene oshiwana shaye, ota ka eta “oita mefiku linene laKalunga Omunaenghono adishe.” (Eh 16:14, 16) Opo tu kale tu na ouladi eshi hatu ka taalela oiningwanima yomonakwiiwa, otwa pumbwa okukala twa nyatipala ngeenge eitavelo letu tali yelekwa paife.

NGHEE HATU DULU OKU SHI NINGA:

• Natu kale hatu popile notwa lenga omifikamhango daJehova dopaenghedi. — Jes 5:20

• Natu twikile okulongela Kalunga pamwe nOvakriste vakwetu. — Heb 10:24, 25

• Natu kale hatu endelele okudulika kewiliko olo hatu pewa kehangano laJehova. — Heb 13:17

• Natu dilonge kunghee Jehova a li a xupifa oshiwana shaye monakudiwa. — 2Pe 2:9

• Natu ilikane kuJehova, nokukala twe mu lineekela. — Eps 112:7, 8

TALENI OKAVIDO OININGWANIMA YOMONAKWIIWA OYO TAI KA PULA OULADI — OKATUKULWA KAXUPI, NDELE TAMU KUNDAFANA OMAPULO TAA SHIKULA:

• 

  Eyeleko li na sha nokudulika lilipi la li la taalelwa kovaudifi vomeongalo olo la li la mbwangwa mumwe nomaongalo makwao?

• 

  Ouladi nosho yo okudulika oya pambafana ngahelipi?

• 

  Omolwashike hatu ka pumbwa ouladi eshi Harmagedon te ke uya?

• 

  Ehokololo lopaMbiibeli lilipi tali dulu oku tu kwafela tu kale tu na eitavelo la kola kutya Jehova ota dulu oku tu xupifa? — 2Omaf 20:1-24