Oshikonga she likalekelwa muNovemba shi na sha nokuudifa kombinga yOuhamba waKalunga

Jesus okwa li ha udifa “onghundana iwa yOuhamba waKalunga.” (Luk 4:43) Okwa honga yo ovanhu va ilikane kombinga yOuhamba oo. (Mat 6:9, 10) MuNovemba, ohatu ka ninga eenghendabala de likalekelwa opo tu udife kombinga yOuhamba waKalunga. (Mat 24:14) Liunganeka nawa opo u ka kufe ombinga pauyadi moshikonga osho. Aveshe ovo tava ka kufa oukwafelikokolindjila otava dulu okuhoolola okulonga eevili 30 ile 50 omwedi oo.

Leshela ovanhu vahapu ngaashi tashi dulika omushangwa u na sha nOuhamba waKalunga moshitukulwa sheni. Eshi to hoolola omushangwa, kaleka momadiladilo omahongo omalongelokalunga ovapwilikini voye. Ngeenge umwe okwa ulike ohokwe petalelepo lotete, mu pa Oshungonangelo yomoukalele No. 2 2020. Ninga diva elishuneko komunhu oo a ulika ohokwe, nokukendabala okuhovela ekonakonombiibeli to longifa shimwe shomoishangwa oyo i li mOshikefa shetu shokuhonga. Oku na ashike efimbo linini opo Ouhamba waKalunga u hanaune po omapangelo aeshe oo e li omhinge nao. (Dan 2:44; 1Ko 15:24, 25) Onghee hano, natu longifeni pauyadi omhito ei ye likalekelwa opo tu ulike kutya otu li ovadiinini kuJehova nosho yo kOuhamba waye.