OKUKALA OMUKRISTE WASHILI
Outekuduliko ohau ulike kutya Jehova oku na ohole
Outekuduliko owa kwatela mo unene okuyandja omalombwelo nosho yo ehongo, ndele owa kwatela mo yo okuyandja omapukululo nehandukilo. Jehova ohe tu pe outekuduliko opo tu mu longele monghedi oyo ta hokwa. (Rom 12:1; Heb 12:10, 11) Omafimbo amwe otashi dulika outekuduliko u kale u yahameka, ashike ohau linyengifa omunhu a longe osho sha yuka noku mone omanangeko noupuna. (Omayel 10:7) Oshike osho ovo hava yandje outekuduliko naavo have u tambula ve na okukaleka momadiladilo?
Ovo hava yandje outekuduliko. Ovakulunhuongalo, ovadali nosho yo vamwe ohava kendabala opo va yandje outekuduliko nonghenda nopahole ngaashi Jehova. (Jer 46:28) Nokuli noutekuduliko wa kwata moiti ou na okuyandjwa pahole nometwokumwe nonghalo. — Tit 1:13.
Ovo hava pewa outekuduliko. Kashi na nee mbudi kutya outekuduliko owa tya ngahelipi, otu na oku u tambula ko noku u tula moilonga diva. (Omayel 3:11, 12) Tu li ovanhu inatu wanenena, atushe otwa pumbwa outekuduliko oo hau yandjwa meenghedi di lili noku lili. Otashi dulika tu pewe outekuduliko okupitila mwaasho hatu lesha mOmbiibeli ile osho hatu udu pokwoongala. Ile omafimbo amwe, vamwe otashi dulika va pewe outekuduliko kokomitiye yopamhangu. Ngeenge otwa tambula ko outekuduliko, otashi ka tya omwenyo kufye. — Omayel 10:17.
TALENI OKAVIDIO “OU E HOLIKE KOMWENE, OTA HANDUKILWA KUYE,” NDELE TAMU KUNDAFANA OMAPULO TAA SHIKULA:
Onghalamwenyo yaCanon oya li ya tya ngahelipi, noya ka lunduluka ngahelipi?
Outekuduliko wopahole ulipi a li a pewa kuJehova?
Lihonga okukala u hole outekuduliko waJehova
Oshimoniwa shaye otashi tu hongo oilihongomwa ilipi?