Ulika olukeno

Olukeno olo okuuda ko omadiladilo, omaliudo, ongushu yomunhu nosho yo eemhumbwe davamwe. Ohali limonikila noupu kuvamwe nohali ningifa omunhu a kale a halelela okukwafela vamwe tashi di komutima. Ngeenge ohatu ulike olukeno moukalele, kungaho ohatu hopaenene ohole yaJehova nokunakonasha kwaye, naasho ohashi nanene ovanhu kuye. — Flp 2:4.

Okuulika olukeno kashi fi ashike oshinima hashi uya po ngaho, ndele ohali limonikila mokupwilikina, mokupopya, melihumbato letu, momaudi oo hatu ningi nosho yo momalinyengo okoshipala. Ohatu ulike olukeno ngeenge hatu ulike kutya otu na ko nasha nomunhu. Ohatu didilike osho e na ohokwe musho, osho a itavela, neenghalo daye. Ohatu mu pe ouyelele noku mu kwafela, ashike ihatu mu fininike a ninge omalunduluko. Ngeenge ovanhu ovo hatu udifile ova tambula ko ekwafo letu, ohashi hapupalifa ehafo letu moukalele.

TALENI OKAVIDIO MONA EHAFO MOSHILONGA SHOKUNINGA OVANHU OVAHONGWA — XWEPOPALEKA OUNGHULUNGU WOYE — ULIKA OLUKENO, NDELE TAMU KUNDAFANA OMAPULO TAA SHIKULA:

• 

  Neeta okwa ulika ngahelipi olukeno eshi Jade a li a shelelelwa?

• 

  Neeta okwa ulika ngahelipi olukeno eshi Jade a ti okwa wililwa po neenghono ita dulu okukonakona?

• 

  Neeta okwa ulika ngahelipi olukeno eshi Jade a ti kutya ine liunganeka nawa?