LONGA NOUDIININI MOILONGA YOKUUDIFA | “HAPUPALIFA EHAFO LOYE MOUKALELE”
Kwafela ovakonakonombiibeli voye va kale hava ongala
Okwoongala kweongalo oku li oshitukulwa sha fimanenena melongelokalunga la koshoka. (Eps 22:22) Aveshe ovo hava ongala opo va longele Jehova, ohava mono ehafo nomanangekonoupuna. (Eps 65:4) Ovakonakonimbiibeli luhapu ohava ningi exumokomesho neendelelo ngeenge ohava i kokwoongala pandjikilile.
Ongahelipi to dulu okukwafela ovakonakonimbiibeli voye va kale have uya kokwoongala? Kala ho va shivi kokwoongala. Va ulikila okavidio Oshike hashi ningwa kOlupale lOuhamba? Va yelifila ouwa oo omunhu ha mono pokwoongala. (lff oshileshwa 10) Oto dulu oku mu lombwela oshitwa shonhumba osho we lihonga pokwoongala, ile osho tashi ka kundafanwa pokwoongala taku shikula ko. Pa ovakonakoni voye oishangomwa oyo tai ka longifwa pokwoongala. Kala yo ho va kwafele moinima imwe. Otashi dulika va pumbwa olefa yokuya kokwoongala. Ngeenge omukonakoni woye opo ta ende kokwoongala oshikando shotete, osha fimana okuninga keshe osho to dulu opo u mu kwafele. — 1Ko 14:24, 25.
TALENI OKAVIDIO KWAFELA OVAKONAKONOMBIIBELI VOYE VA KALE HAVA ONGALA, NDELE TAMU KUNDAFANA OMAPULO TAA SHIKULA:
Neeta okwa li a longifa omhito ilipi opo a shive Jade kokwoongala kweongalo?
Omolwashike hashi hafifa ngeenge ovakonakonimbiibeli tave uya kokwoongala?
“Kalunga oku li shili mokati keni”
Eshi Jade a ya kokwoongala, osha li she mu endela ngahelipi?