Longifa oiningwanima oyo tai ningwa pefimbo opo, ngeenge u li moukalele

Ngeenge Jesus a li moukalele, okwa li ha longifa oiningwanima oyo tai ningwa pefimbo opo, a honge ovanhu oilihongomwa. (Luk 13:1-5) Naave oto dulu okulongifa oiningwanima oyo tai ningwa pefimbo opo, opo u pendule ohokwe yovanhu metumwalaka lOuhamba. Konima ngeenge owa tumbula kombinga yanghee ouxupilo tau kande omapunya, oiponga yopaushitwe, omakuyunguto opashiwana, okupikwa koingangamifi, ile shimwe vali sha yukila oko, pula epulo tali ningifa omunhu a diladile. Oto dulu okupula kutya: “Mbela oto diladila kutya otapa ka kala ngoo pehe na vali . . . ?” ile “Oto diladila kutya ongahelipi taku dulu okukandulwa po. . . ?” Opo nee lesheni ovelishe mOmbiibeli ya pamba osho tamu kundafana. Ngeenge omunhu ota ulike e na ohokwe, mu yukifa kokavidio, ile koshishangomwa mOshikefa shetu shOkuhonga. Eshi hatu kendabala okuhanga omitima dovanhu moshitukulwa shetu, natu ninge “keshe shimwe omolwonghundana iwa.” — 1Ko 9:22, 23.

Oikundafanwa ilipi tashi dulika i kale i hokwifa moshitukulwa sheni?