Oikundafanwa oyo tai kwafele i li membo Nghee to dulu okuhafela onghalamwenyo fiyo alushe!

Mbela oho hafele okulongifa ouvidio nosho yo omapulo, oo haa kwafele omunhu a mone etaleko lomupwilikini, e li membo Nghee to dulu okuhafela onghalamwenyo fiyo alushe!? Ongahelipi shi na sha noinima ngaashi “Vamwe ohava ti,” “Omalalakano” nosho yo “Tala ouyelele wa wedwa po”? Oinima imwe ilipi tashi dulika wa mona tai kwafele eshi to kufa ombinga moshilonga shokuninga ovanhu ovahongwa? — Mat 28:19, 20.

Eedjo domauyelele: Ngeenge owa hoolola okuninga ekonakonombiibeli to longifa embo olo la pilindwa, ongahelipi to ka dula okumona ouvidio nosho yo eedjo dimwe pefimbo limwe alike? Ngeenge to longifa oshikwaelektronika, hoolola shimwe shomoitukulwa oyo ine. Pedu lomusholondodo woipalanyole yoileshwa, oto dulu okuhoolola eedjo adishe odo di li moshitukulwa osho. (Tala efano 1.)

Nghee to dulu okulongifa “o-Printed Edition”: Ngeenge oto konakona naumwe to longifa oshikwaelektronika, oto dulu okulongifa “o-Printed Edition” peemhito da yoolokafana pefimbo lekonakono leni. Ofimbo u li moshileshwa osho tamu kundafana, finda poutwa vatatu ovo ve li pombada, ndele to hoolola “Printed Edition.” Osho otashi ke ku kwafela u kale to diladila nghee osho tamu kundafana sha pambafana noshipalanyole shoshileshwa. Opo u dule okushuna ko-digital edition, finda natango poutwa vatatu, ndele to hoolola “Digital Edition.”

“Onda wana ngoo?”: Oimhungu oyo i li lopexulilo lembo oya popya osho tashi ulike kutya omunhu okwa wana okuudifa pamwe neongalo nosho yo okuninginifwa. (Tala efano 2.)

Omafatululo oitya: Omafatululo oitya okwa yelifa moule oikundafanwa yonhumba ya fimana. Embo olo li li moshikwaelektronika ola kwatela mo o-link oyo i li pexulilo lomafatululo oitya oyo tai ku shuna koshileshwa. (Tala efano 2.)