OKUKALA OMUKRISTE WASHILI

Mbela owe lilongekida ngoo eshi ouxupilo tau ende tau kande omapunya?

Ihashi tu kumwifa eshi oiningwanima oyo tai ningwa mounyuni tai ningifa ouxupilo u kale wa naipala mounyuni aushe. Omolwashike? Omolwaashi otu li momafimbo axuuninwa nOmbiibeli oye tu londwela tuha tule elineekelo letu “moinima oyo tai xulu po.” (1Tm 6:17; 2Tm 3:1) Oshihopaenenwa shohamba Josafat otashi tu hongo shike shi na sha nokukala twe lilongekidila ouxupilo oo tau kande omapunya?

Josafat okwa li e lineekela muJehova eshi a li a taalela onghalo idjuu, eshi a li a ponokelwa koiwana. (2Omaf 20:9-12) Okwa li yo a longekida oshiwana komesho yefimbo mokutula oilando eehotekuma nokutula po ovanangeli. (2Omaf 17:1, 2, 12, 13) Ngaashi Josafat, natu kale twe lineekela muJehova nokulilongekidila eenghalo didjuu.

OSHIKE HATU DULU OKUNINGA, OPO TU LILONGEKIDILE OUXUPILO OO TAU KANDE OMAPUNYA?

Pameka ekwatafano loye naJehova: Kala wa wanenwa, nokukala we lineekela muJehova kutya ota ka wanifa po eemhumbwe doye da keshe efiku. (Mat 6:26; 1Tm 6:8) Kala wa tokola uha efe po omifikamhango dOmbiibeli odo tadi dulu okuwanifa po eemhumbwe odo. (Rom 2:21) Tala nghee to dulu okutwikila okulesha Ombiibeli nosho yo oishangomwa oyo ye likolelela kOmbiibeli, ngeenge kape na sha olusheno, ile ointaneta. Kala u na oishangomwa yonhumba komudidi oyo ya pilindwa, nongeenge otashi shiiva tapa komesho yefimbo oishangomwa koshikwaelektronika shoye.

Lilongekida painiwe: Henuka eendjo nosho yo oinima oyo inai pumbiwa ofimbo ouxupilo inau hovela okukanda omapunya. (Omayel 22:7) Ngeenge otashi shiiva, tuvikila po oikulya oyo ihai ningi nai diva nosho yo oipumbiwa ikwao. Vamwe otashi dulika va kale ve na oshikunino shoikwambidi, opo va xupife oimaliwa.

TALENI OKAVIDIO OWE LILONGEKIDILA NGOO OIPONGA? NDELE TAMU NYAMUKULA OMAPULO TAA SHIKULA:

Omafano a dja mokavidio “Owe lilongekidila ngoo oiponga?” Efano tali ulike Ombiibeli, okadjato kopaulumomumbwe nongodi nosho yo ovo hava longo moilonga yokutunga.

Oshike hatu dulu okuninga po pauhandimwe, opo tu lilongekidile oiponga?

Your answer

Omafano a dja mokavidio “Owe lilongekidila ngoo oiponga?” Ovamwatate tava kwafele moilonga yokutunga nokupakulula oilongifo okudja meloli.

Ongahelipi hatu dulu okulilongekida, opo tu kwafele vamwe?
Your answer