Mbela oto longifa ngoo Ombiibeli oyo ya kwatwa momawi?

Ombiibeli oyo ya kwatwa momawi oshike? Ombiibeli oyo ya kwatwa momawi, ewi la kwatwa lOmbiibeli yoNew World Translation. Ohai pitifwa momalaka mahapu ngaashi tashi dulika. Eshi shididilikwedi mOmbiibeli oyo ya kwatwa momawi oshosho kutya, ohai longifa omawi a yoolokafana, omunhu keshe oo a tumbulwa mOmbiibeli. Oitya ohai leshwa tai divilikwa nonomaliudo, opo etumwalaka lOmbiibeli li yandjwe li li paushili.

Vamwe ohava mono ouwa ngahelipi mOmbiibeli oyo yakwatwa momawi? Vahapu ovo hava pwilikine pandjikilile kOmbiibeli oyo ya kwatwa momawi ove hole nghee hashi ningifa Eendjovo daKalunga di kale di na omwenyo. Ohava kala ve udite kutya, ngeenge tava pwilikine kovaleshi va yoolokafana, ovo ve lile po ovanhu vopefimbo lOmbiibeli, ohava dulu okufaneka momadiladilo noupu oiningwanima oyo i li mOmbiibeli. Ohava kala ve na eudeko la yela laasho ya shangelwa. (Omayel 4:5) Vahapu ova mona yo kutya okupwilikina kOmbiibeli oyo ya kwatwa momawi ohashi va ngungumaneke, ngeenge ve na oisho. — Eps 94:19.

Ngeenge hatu pwilikine kEendjovo daKalunga tadi leshwa mokule otashi dulu okukuma eenghalamwenyo detu. (2Omaf 34:19-21) Ngeenge Ombiibeli oyo ya kwatwa momawi oi li melaka olo ho udu, i li pauyadi, ile oshitata, mbela ito dulu okukala ho pwilikine kuyo pandjikilile?

TALENI OKAVIDIO NGHEE OMBIIBELI OYO YA KWATWA MOMAWI YA NDULUKWA PO  — OKATUKULWA KAXUPI, NDELE TAMU NYAMUKULA EPULO TALI SHIKULA:

Oshike she ku kumwifa shi na sha nokundulukwa po kwOmbiibeli oyo ya kwatwa momawi?