OKUKALA OMUKRISTE WASHILI

Kwafela ovanhu ovo inava itavela muKalunga va shiive Omushiti wavo

Mbela owa ongaonga nale okuudifila ovanhu ovo inava itavela muKalunga, to diladila kutya pamwe itava ka pwilikina? Ngeenge osho, dimbuluka kutya vahapu ovo va li inava itavela muKalunga ova ninga Eendombwedi daJehova. Luhapu ohava kala ashike va pumbwa ekwafo, opo va mone oumbangi kutya Kalunga oko e li.— Rom 1:20; 10:14.

TALENI OKAVIDIO NGHEE OVO VA LI VEHE NA EITAVELO VA KA NINGA OVAITAVELI! — OVO VEHE LI MELONGELOKALUNGA LASHA, NDELE TAMU NYAMUKULA EPULO TALI SHIKULA:

Oshihopaenenwa shaTommaso oshe ku kwafela ngahelipi u kale u na etaleko liwa, ngeenge to udifile ovanhu ovo inava itavela muKalunga?

Enyamukulo loye

Nghee to dulu oku shi ninga

Ngeenge omunhu okwa ti ina itavela muKalunga, kala u na olune, to popi nelungi nowa fimaneka omadiladilo nomaliudo aye. (2Tm 2:24) Kundafana naye oinima oyo e na ohokwe muyo. Mbela okwa hala okukundafana oikundafanwa oyo ya ningifa vahapu va itavele mOmushiti? Ngeenge osho longifa oishangomwa nosho yo ouvidio ovo va nuninwa eenghundafana odo. Okambo Nghee oinima i na omwenyo ye uya po — Omapulo atano a fimanenena oka wedwa mo mOshikefa shetu shOilongifo, opo ka dule okukala haka monika noupu. — Oil 13:48

Potete, otashi dulika u ongaonge okukundafana oshili nomunhu oo ina itavela muKalunga. Omolwashike ito pula ekwafo komuudifi a pyokoka? Dimbuluka kutya Jehova ota dulu oku tu kwafela tu hange omitima daavo va halelela okushiiva oshili, nokuli nonande kava li va itavela kutya oko e li. — Oil 13:48.