Longifa Ombiibeli ngaashi to longifa esipili

Omuhongwa Jakob okwa li a faafanifa Ombiibeli nesipili, molwaashi otai dulu oku tu kwafela tu mone ounhu wetu womeni. (Jak. 1:​22-25) Ongahelipi to dulu okulongifa Ombiibeli i li esipili?

I lesha noukeka. Ngeenge otwe litalele mesipili hatu endelele otashi dulika tuha didilike omapuko oo tu na. Sha faafana, ngeenge otwa lesha Ombiibeli hatu endelele, otashi dulika tuha mone opo twa pumbwa okuninga omalunduluko, onghee otwa pumbwa okukala hatu lesha Ombiibeli noukeka.

Yandja elitulemo komapuko oye ponhele yokuyandja elitulemo komapuko avamwe. Omafimbo amwe, ngeenge hatu litalele mesipili otashi dulika tu monene mo vamwe, notashi dulika tu yandje elitulemo komapuko avo. Sha faafana, otashi dulika tu leshe Ombiibeli, ndele hatu hovele okudiladila kombinga yanghee vamwe va pumbwa okuninga omalunduluko. Ashike osho itashi ke tu kwafela tu ninge omalunduluko.

Kala u na ondjele. Otashi dulika tu teke omukumo ngeenge otwe litalele mesipili, ndele otu wete mo ashike omapuko etu. Otwa pumbwa okukala tu na ondjele ngeenge hatu lesha Eendjovo daKalunga mokuhakala twa hala okuninga shihapu shi dulife pwaasho ehova a teelela tu ninge. — Jak. 3:17.