Lihonga shihapu komafano

Moishangomwa yetu omu na omafano mahapu oo tae tu hongo oilihongomwa ya fimana. Ongahelipi to dulu okumona ouwa momafano oo?

• Tala omafano ofimbo ino hovela okulesha oshitukulwa. Omafano otaa dulu oku ku nana, naasho otashi dulu oku ku linyengifa u kale wa hala okulesha oshitukulwa. Ngeenge owa mono okayaxa ke na oikulya iwa, ohashi ku ningifa u kale wa hala oku i lya. Onghee lipula kutya, ‘Mefano ondi wete mo shike?’ — Amos 7:​7, 8.

• Eshi to lesha oshitukulwa, diladila kutya omolwashike mwa tulwa omafano. Lesha omashangelo omafano ngeenge ope na sha. Diladila kunghee omafano a pambafana noshitukulwa, nanghee to dulu okutula moilongo osho to lihongo mefano.

• Konima eshi wa lesha oshitukulwa, tala vali omafano, opo e ku kwafele u dimbuluke oilihongomwa ya fimana. Opo nee, fifikina nokukendabala okudimbuluka omafano naasho we lihonga kuo.

• Omolwashike ito tale vali omafano oo e li moshifo eshi, nokutala ngeenge oto dimbuluka osho taa hongo?