Oupyakadi wopamaxupilo — Osho Ouhamba waKalunga tau ka ninga po

Ovanhu vahapu mounyuni aushe otava kondjo nokumona oimaliwa ya wana, opo ve liwanifile po eemhumbwe davo. Onghalo oyo otai ende ashike nokunaipala.

• She likolelela kolaporta oyo opo ya ningwa mounyuni aushe,a oya ti kutya “eendjabi dovanailonga dokomwedi oda shuna lela pedu.” Ngeenge inapa ningwa elunduluko lasha, otapa kala pe na “eyooloko linene pokati keehepele noipuna” nosho yo kutya “onghalo yomaukwaneumbo ovanailonga vahapu itai ka kala vali ngaashi ya li nale.”

Mbela omapangelo otaa dulu ngoo okukandula po oupyakadi wopamaxupilo, ile okuxwepopaleka onghalo?

Ombiibeli oya popya kombinga yepangelo limwe, olo tali dulu notali ka kandula po oupyakadi wopamaxupilo, mwa kwatelwa okuhenoufikepamwe oko ku li pokati keehepele noipuna. Oya ti “Kalunga ou komeulu ota ka dika ouhamba,” ile tu tye epangelo olo tali ka ungaunga naashishe osho tashi ningwa kombada yedu. (Daniel 2:44) Koshi yepangelo olo, kape na oo ta ka dimbuwa, ile a kale e udite a ekelwashi. (Epsalme 9:18) Epangelo laKalunga otali ka shilipaleka kutya aveshe ovo ve li koshi yepangelo olo, ove na ashishe osho va pumbwa, opo va kale va hafa. Aveshe otava ka hafela ondjabi yavo iwa, omolwoilonga yavo youdiinini. — Jesaja 65:21, 22.