Eendombwedi daJehova oda itavela ngoo muJesus?

Heeno. Otwa itavela muJesus oo a ti: “Aame ondjila noshili nomwenyo; kape na ou te uya kuTate, ngenge hamuame ta pitile.” (Johannes 14:6) Otwa itavela kutya Jesus okwe uyile kombada yedu okudja meulu nokwa yandja omwenyo waye wa wanenena wopanhu ekuliloyambo. (Mateus 20:28) Efyo nenyumuko laye ole shi ninga tashi shiiva opo ovo ve na eitavelo tali longo muye va ka mone omwenyo waalushe. (Johannes 3:16) Otwa itavela yo kutya paife Jesus ota pangele e li Ohamba yOuhamba waKalunga womeulu, oo mafiku tau ka etifa ombili kombada yedu alishe. (Ehololo 11:15) Ndele ohatu tu kumwe naJesus eshi a ti: “Tate oku dule nge.” (Johannes 14:28) Onghee hano, ihatu longele Jesus molwaashi inatu itavela kutya oye Kalunga Omunaenghono adishe.