Omolwashike Eendombwedi daJehova ihadi longifa omushiyakano melongelokalunga lado?

Ovanhu vahapu ohava tale ko omushiyakano u li oshilimbo shOukriste. Ndele nonande Eendombwedi daJehova odi li Ovakriste, ihatu longifa omushiyakano melongelokalunga letu. Omolwashike mbela?

Etomheno limwe ololo kutya Ombibeli otai ulike kutya Jesus ina fila komushiyakano ndele okopala. Shimwe vali, Ombibeli oya londwela Ovakriste va ye “onhapo efimaneko loikalunga,” naasho osha hala okutya katu na okulongifa omushiyakano melongelokalunga letu.—1 Ovakorinto 10:14; 1 Johannes 5:21.

Shididilkwedi, Jesus okwa ti: “Opo tuu opo aveshe tave mu koneke kutya, nye ovalongwa vange, ngenge mu holafane.” (Johannes 13:34, 35) Kungaho, Jesus okwa ulika kutya ohole yokuheliholamwene oyo tai ka didilikifa mo ovashikuli vaye vashili, ndele hamushiyakano ile oshihongwafano shimwe vali.