6-8. Oshike kwa li sha xunganekwa muSefanja 1:4-6, nongahelipi exunganeko olo kwa li la wanifwa muJuda shonale?

⁶ Mokuhepaulula eenghatu daKalunga okukatukila ovalongelikalunga ovanaipupulu, Sefanja 1:4-6 ota ti: “Handi ka anekela Juda noonakukalamo vomuJerusalem okwooko kwange. Ame ohandi ka dima mo yo monhele ei oixupe yaBaal, nomadina ovalongeli voikalunga pamwe novapristeri, naava have linyongamene kombada yeenduda nokwiilikana eengudu dokeulu, naavo have linyongamene nokwiilikana Omwene nokwaana kuye ndele hava ane yo kuMilkom, naava yo va efa Omwene, ndele itava kongo Omwene, ndele itave mu pula.”

⁸ Kalunga ota ka dipaa yo ovo ve ‘linyongamena eengudu dokeulu,’ sha hala kutya ovo hava ilikana eenyofi netango. (2 Eehamba 23:11; Jeremia 19:13; 32:29) Ehandu laKalunga otali ka wila yo kombada yaavo tava kendabala okulumbakanifa elongelokalunga lashili nelongelokalunga loipupulu ‘mokwaana kOmwene nokuMilkom.’ Milkom otashi dulika li li edina limwe laMolok, oshikalunga shinene shOvaammoni. Okulongela Molok okwa li kwa kwatela mo omayambo okuyamba po ounona.—1 Eehamba 11:5; Jeremia 32:35.

Exulilo lOukwakriste oli li popepi!

9. (a) Oukwakriste ou na ondjo yashike? (b) Oshike osho tu na okukala twa tokola toko okuninga mekondjifafano naasho sha ningwa kwaavo ve he fi ovadiinini muJuda?

⁹ Aishe oyo otai tu dimbulukifa Oukwakriste, oo wa wila melongelokalunga loipupulu nosho yo mokunyanekela neenyofi. Ndele onghandangala yao mokuyamba po omamiliyona eemwenyo koaltari okupitila mokuyambidida oita kwovawiliki vomalongelokalunga oshinima shitondifa shili! Inatu kala nande ngaashi ovo va li muJuda ve he na oudiinini “va efa Omwene,” nova hovela okukala ve he na ko nasha noinava konga vali ewiliko laye. Ponhele yaasho natu kanyatele oudiinini wetu muKalunga.