Kajafas okwa li a pondola okunwefa mo oilyo yOmhangu yoPombada yOvajuda i ninge omhangela yokudipaa Jesus. Ndele mbela Nikodemus, oo a li oshilyo shOmhangu yoPombada yOvajuda noku li kaume kaJesus, okwa li te ke mu lombwela omhangela oyo? Jesus okwa li a dja mo diva moshitukulwa shaJerusalem opo aha dipawe fimbo eufwafimbo laKalunga inali fika.

Jesus okwa li a ya koshilando shaEfraim osho sha li koushilolundume waJerusalem, molwaashi Omhangu yoPombada yOvajuda oya li ya pangela omhangela yoku mu dipaa. Oko a kala oko novahongwa vaye, kokule novatondi vaye. (Johannes 11:54) Opaasa yomo 33 O.P. oya li pokufika, na Jesus okwa li e na okuya vali molweendo. Okwa li a dja muSamaria ndele tai kuGalilea, naasho osha li oshikando shaye shaxuuninwa ta talele po oshitukulwa osho fimbo ina fya.