OSHITUKULWA 1

Ohatu pwilikine ngahelipi kuKalunga?

Kalunga oha popi nafye okupitila mOmbibeli. 2 Timoteus 3:16

Jehova okwa nwefwa mo ovalumenhu va shange Ombibeli nonande oku li kolukalwapangelo laye meulu

Kalunga kashili okwa li a wilika ovalumenhu vonhumba va shange omadiladilo aye membo limwe liyapuki. Embo olo olo Ombibeli. Oli na ouyelele wa fimana oo Kalunga a hala u shiive.

Kalunga oku shii osho sha denga mbada kufye noye Odjo younongo aushe. Ngeenge owa kala ho pwilikine kuye, oto ka ninga omunaendunge elela. — Omayeletumbulo 1:5.

Ombibeli i li momalaka mahapu; omulumenhu ta lesha Ombibeli melaka laye

Kalunga okwa hala ovanhu aveshe kombada yedu va leshe Ombibeli. Ombibeli oi li momalaka mahapu.

Ngeenge owa hala okupwilikina kuKalunga, ou na okulesha nokuuda ko osho Ombibeli tai ti.

Ovanhu keshe pamwe otava pwilikine. Mateus 28:19

Ondombwedi yaJehova tai leshele omulumenhu omushangwa, ndele tava hovele okukala hava konakona

Eendombwedi daJehova otadi dulu oku ku kwafela u ude ko osho Ombibeli tai ti.

Ohadi hongo oshili kombinga yaKalunga mounyuni aushe.

Ovanhu ve li pokwoongala molupale lOuhamba lEendombwedi daJehova

Ehongo lado ihali futilwa. Oto dulu yo okulihonga kombinga yaKalunga ngeenge owa i kOlupale lOuhamba lEendombwedi daJehova olo li li moshitukulwa sheni.