Xwepopaleka ounghulungu woye moukalele — Natu kwafeleni aveshe ovo ‘va nunwa’ okuninga ovahongwa

OMOLWASHIKE SHA FIMANA: Jehova oha kulike eembuto doshili odo da kunwa momitima daavo va “nuninwa okuya momwenyo waalushe.” (Oil 13:48; 1Kor 3:7) Ohatu longo pamwe naKalunga mokuninga eenghendabala tu shune kovanhu ovo ve na ohokwe mwaasho tave lihongo mOmbiibeldi. (1Kor 9:26) Ovakonakonimbiibeli ova pumbwa okuuda ko kutya eninginifo lopaKriste ola fimana opo omunhu a dule okuxupa. (1Pet 3:21) Ohatu va kwafele va ninge ovahongwa moku va kwafela va ninge omalunduluko, va dule okuudifa nokuhonga vamwe nove liyapulile Jehova. — Mat 28:19, 20.

NGHEE U NA OKU SHI NINGA:

• Lombwela omukonakonimbiibeli woye kutya elalakano lokukonakona oku mu kwafela a “shiive” Jehova noku mu hafife. — Joh 17:3

• Va kwafela va ninge exumokomesho mokweefa po oinima oyo tai dulu okukala einda kuvo ngaashi eenghedindjikilile inadi koshoka nosho yo eendafano lii

• Kala ho va tu omukumo ofimbo inava ninginifwa nosho yo konima yeninginifo. — Oil 14:22

TALENI OKAVIDIO JEHOVA KALUNGA OTE KU KWAFELE, NDELE TAMU KUNDAFANA OMAPULO TAA SHIKULA:

• Oshike hashi ningifa vamwe va ongaonge okuliyapulila Jehova ­nokuninginifwa?

• Ovakulunhuongalo ohava kwafele ngahelipi ovakonakonimbiibeli va ninge exumokomesho lopamhepo?

• Omushangwa waJesaja 41:10 otau tu hongo shike kombinga ­yaJehova?

• Omaukwatya elipi tae tu kwafele tu longele Jehova monghedi oyo a hokwa nonande inatu wanenena?