OSHITWA 6

Okuyelifa omishangwa mondjila

Johannes 10:33-36

ENGONGO: Ino lesha ashike omushangwa, ndele to twikile noshitwa sha shikula ko. Shilipaleka kutya ovapwilikini ove wete ekwatafano olo li li pokati komushangwa oo wa lesha nosho yo noshitwa osho to yelifa.

NGHEE U NA OKU SHI NINGA:

Tofa mo oitya oyo ya fimana. Konima eshi wa lesha omushangwa, divilika oitya oyo ya pambafana noshitwa osho to yelifa. Oto dulu oku shi ninga mokweendulula oitya oyo, ile mokupula epulo olo tali ningifa ovapwilikini va didilike mo oitya oyo ya fimana.

Ngeenge oto longifa oitya ya yooloka ko kwaayo i li momushangwa, shilipaleka kutya ovapwilikini ove udite ko nghee oitya oyo i li mOmbiibeli ya pambafana noitwa oyo ya fimana.
Divilika oshitwa osho sha fimana. Ngeenge oto lesha omushangwa opo u yandje etomheno lonhumba, yelifa nghee oitya ya fimana momushangwa ya pambafana netomheno olo.

Kaleka Ombiibeli yoye ya patuluka eshi tamu kundafana omushangwa. Osho ohashi kwafele ovapwilikini voye va mone nghee oitya oyo to yelifa ya pambafana novelishe.
Longifa oitya i li paunafangwa eshi to yelifa etulomoilonga. Henuka okupopya ouyelele oo inau pambafana noshitwa osho sha fimana. Tala kutya ouyelele ou fike peni oo wa pumbwa okulongifa opo u yelife etulomoilonga she likolelela kouyelele oo ovapwilikini voye ve shii nale kombinga koshikundafanwa osho.