XWEPOPALEKA OUNGHULUNGU WOYE MOUKALELE — Efa po okukonakona naavo itava ningi exumokomesho

OMOLWASHIKE SHA FIMANA: Ovanhu ova pumbwa okwiifana edina laJehova opo va xupifwe. (Rom 10:13, 14) Ashike hakeshe oo a dimina okukonakona Ombiibeli ha kala metwokumwe nomifikamhango daJehova. Ohatu ka longifa nawa efimbo olo hatu kala moilonga yokuudifa mokukwafela ovo va hala okuninga omalunduluko opo va hafife Jehova. Ngeenge otwa konakona nomunhu oule wefimbo, ashike ita ningi exumokomesho, natu efe okukonakona naye. Natu kale hatu kwafele ovanhu ovo va hala shili okweehena popepi naJehova nosho yo nehangano laye. (Joh 6:44) Mokweendela ko kwefimbo, ngeenge omunhu oo twa efa po okukonakona naye okwa ningi omalunduluko ndele ta ulike kutya okwa “nuninwa okuya momwenyo waalushe” ile tu tye okwa halelela oku ka mona omwenyo, ohatu dulu okutwikila okukonakona vali naye. — Oil 13:48.

NGHEE U NA OKU SHI NINGA:

• Pandula omukonakoni eshi a hala okumona eshiivo lashili. — 1Tim 2:4

• Divilika nghee sha fimana okutula moilonga osho te lihongo. — Luk 6:46-49

• Kundafaneni naye efaneko laJesus li nasha nomukuni, ndele to mu pula osho tashi mu imbi a ninge exumokomesho. — Mat 13:18-23

• Mu yelifila kutya omolwashike to xulifa po ekonakonombiibeli naye

• Mu yelifila kutya oto kala ho mu talele po omafimbo nomafimbo, nonokutya otamu dulu okuhovela vali okukonakona ngeenge okwa ningi omalunduluko

TALENI OKAVIDIO, NDELE TAMU KUNDAFANA OMAPULO TAA SHIKULA:

• Oshike tashi ulike meenghundafana odo kutya omukonakoni kali ta ningi exumokomesho?

• Omuudifi okwa kwafela ngahelipi omukonakoni a mone kutya okwa pumbwa okuninga omalunduluko?

• Oshike omuudifi a ninga po osho tashi ulikile omukonakoni kutya otava ka dula natango okutwikila okukonakona?