Xwepopaleka Ounghulungu Woye Moukalele Okuudifa okupitila moka-Intercom

OMOLWASHIKE SHA FIMANA: Molwaashi outeknologi otau xumu komesho, noimbuluma otai hapupala, osha ningifa ovanhu va kale ve na oufano nosho yo ou-intercom pomaumbo avo omolweameno. Otashi dulika tu kale twa tila eshi hatu udifile omunhu onghundana iwa oo tuhe wete, ndele ye oku tu wete. Oitwa tai shikula otai tu kwafele tu udife okupitila moka-intercom tu na omukumo.

NGHEE HATU DULU OKU SHI NINGA:

• Kala u na etaleko liwa. Ovaneumbo vahapu ovo ve na ou-intercom ova halelela okupopya nafye

• Dimbuluka kutya oufano vamwe ohava hovele okukwata omalinyengo nomawii ofimbo ino denga okangedjo, nomuneumbo otashi dulika a kale te ku tale nokupwilikina kwoove diva eshi wa ehena popepi neumbo laye

• Ngeenge omuneumbo okwa nyamukula, popya naye okupitila moka-intercom ile mokafano ngaashi wa li u na okupopya naye oshipala noshipala. Limemesha nokuninga omaudi paushitwe. Popya osho wa li we lilongekida okupopya ngaashi ashike ngeno a li e uya pwoove poshivelo. Ngeenge ope na okafano, ino ehena unene popepi nako. Omuneumbo ngeenge ina nyamukula, ino fiya po etumwalaka

• Konima eshi mwa mana okukundafana, dimbuluka kutya omuneumbo otashi dulika natango te ku tale ile ta pwilikine kwoove