Eedjo dokafo Onghalamwenyo yopaKriste noilonga yokuudifa
1-7 MARSA
OMAMONA OMEENDJOVO DAKALUNGA | NUMERI 7-8
“Oilihongomwa oyo hatu lihongo konhanda yOvaisrael”
it-1-E 497 okat. 3
Eongalo
MuIsrael, ovakalelipo ovo va li ve na oshinakuwanifwa ova li luhapu hava katuka eenghatu ponhele yoshiwana. (Esra 10:14) “Ovakulunhu vomapata” ova li hava yandje omayambo konima ngeenge etwalihangano ola dikwa po. (Num 7:1-11) Natango, ovo va li po eshi pa ningwa “ehangano la pama” pefimbo laNehemia, ovapristeri, Ovalevi nosho yo “ovakulunhu vovanhu.” (Neh 9:38–10:27) Pefimbo lolweendo lOvaisrael mombuwa, opa li “ovakulunhu voshiongalele shoshiwana, ovalumenhu ovanamadina,” vamwe vomovalumenhu ovo 250 ova li va waimina Kora, Datan naAbiram, opo va tukululile Moses naAron oshibofa. (Num 16:1-3) Metwokumwe newiliko laKalunga, Moses okwa li a hoolola ovalumenhu 70 vovakulunhu vOvaisrael ovo va li va nangekwa po opo ve mu kwafele mokuhumbata “oudjuu woshiwana,” oo a li ita dulu okuhumbata oye aeke. (Num 11:16, 17, 24, 25) Leviticus 4:15 okwa popya ‘ovakulunhu veongalo,’ nosha fa shi li ngaha kutya ovakalelipo ovo voshiwana ova li ovakulunhu voshiwana, mwa kwatelwa omalenga, ovatokoli nosho yo ovapashukili. — Num 1:4, 16; Jos 23:2; 24:1.
it-2-E 796 okat. 1
Ruben
Monhanda yOvaisrael, Ovaruben ovo va li va tulwa pokati koludalo laSimeon naGad, ova li va ama kolukadi letwalihangano. Ngeenge ve li molweendo, omapata oo a tukulwa patatu okwa li haa kwatelwa komesho kuRuben, taa shikulwa komapata oo a tukulwa patatu aJuda, Isaskar naSebulun. (Num 2:10-16; 10:14-20) Omapata oo okwa li yo a ya palandulafano la tya ngaho eshi a li a ka yamba omayambo mefiku lokunangekwa po kwetwalihangano. — Num 7:1, 2, 10-47.
Omanenedhiladhilo okuza membo lyaNumeri
8:25, 26. Aalumentu aakulupe oya li ya lombwelwa ye ethe po iilonga tayi dhengele nokupenzelwa omolwuukulupe wawo noku shilipalekwe wo kutya aalumentu Aalevi mboka ya pyokoka oya pewa iilonga. Ihe oya li taya vulu okwiigandja okukwathela Aalevi yalwe. Nonando mokukala omuuvithi gwUukwaniilwa nena ihamu penzelwa omuntu, ekotampango lyompango ndjika otali tu longo oshiilongomwa shi na ongushu. Ngele Omukriste ita vulu okugwanitha po iinakugwanithwa yontumba omolwuukulupe, ota vulu okukutha ombinga miilonga yoludhi lwontumba mbyoka ye eleka oonkondo dhe.
Omamona opamhepo
it-1-E 835
Oiveli, ile oinima oyo ya dalwa tete
Molwaashi oiveli yovanamati vOvaisrael oyo ya li tai ka kala omitwe domaukwaneumbo e lili noku lili, oya li i lile po oshiwana ashishe. Jehova okwa popya kutya oshiwana ashishe oshi li ‘oshiveli shaye,’ naasho osho shi li ngaho omolwehangano olo a li a ninga naAbraham. (Ex 4:22) Molwaashi Jehova okwa xupifa eemwenyo davo, okwe va lombwela a ti: “Keshe umwe womOvaisraeli ta yeulula oshidalelo shaina, ngeenge omunhu ile oshimuna,” oku na okuyapulilwa nge. (Ex 13:2) Kungaho, oiveli aishe yovamati oya li ya yapulilwa Kalunga.
8-14 MARSA
OMAMONA OMEENDJOVO DAKALUNGA | NUMERI 9-10
“Nghee Jehova ha wilike oshiwana shaye”
it-1-E 398 okat. 3
Onhanda
Okutembulwa kwonhanda ya kula ya tya ngaho okudja konhele imwe oku ya ku ikwao (eenhanda da tya ngaho 40 lwaapo oda popiwa kuMoses muNumeri 33) okwa li yo taku ulike okuunganekwa kwa denga mbada. Onhanda oya li hai kala ponhele yonhumba, ngeenge oshilemo osha kanghama kombada yetwalihangano. Ngeenge oshilemo oshe linyenge, onhanda nayo oya li hai tembuka. Ombiibeli oya ti: “Ndelenee palombwelo lOmwene vo ova onga onhanda ndele palombwelo lOmwene ova fikama po.” (Num 9:15-23) Omanghuma avali oshisilveri okwa li haa shikwa opo onhanda aishe i ude ko elombwelo laJehova. (Num 10:2, 5, 6) Omanghuma onghuwo e likalekelwa okwa li haa ulike kutya onhanda oi na okutembulwa. Osho osha li sha ningwa oshikando shotete “momudo omutivali [1512 K.O.P.], mohani onhivali mefiku etimilongo mbali.” Oshikefa shehangano osha li hashi piti komesho, taku shikula epata lotete olo la tukulwa patatu tali kwatelwa komesho kuJuda, taku shikula Isaskar, opo nee taku shikula Sebulun. Ova li va shikulwa kOvagerson nOvamerari va humbata oitukulwa yetwalihangano oyo va li va pewa va humbate. Okwa shikula epata la tukulwa patatu tali kwatelwa komesho kuRuben, taku shikula Simeon naGad. Konima yavo okwa shikula Ovakohati, ovahumbati vetwali liyapuki, opo nee taku shikula epata etitatu la tukulwa patatu laEfraim, taku shikula Manasse naBenjamin. Xuuninwa, okwa shikula omapata a tukulwa patatu oo a li taa amene eenhanda dikwao, oo a li e kwetelwe komesho kuDan pamwe naAsser naNaftali. Kungaho omapata avali a tukulwa patatu oo mahapu noku na eenghono, okwa li a xuuninwa opo a amene eenhanda dikwao. — Num 10:11-28.
w11-E 4/15 4-5
Mbela ou wete ngoo oumbangi oo taa ulike ewiliko laJehova?
Ongahelipi hatu dulu okuulika kutya otwa pandula ewiliko laKalunga? Omuyapostoli Paulus okwa ti: “Dulikeni kwaavo tava kwatele komesho mokati keni nokuliyandja kuvo nehalo liwa.” (Heb. 13:17) Okuninga ngaho haalushe hashi kala shipu. Oku shi faneka: Kala nee ngeno wa fa oove Ovaisrael ovo va li ko pefimbo laMoses. Diladila nee ngeno konima eshi mwa enda efimbo lonhumba, oshilemo osha tula. Mbela otashi kala po efimbo li fike peni opo? Mbela efiku limwe? Oshivike? Ile eemwedi donhumba? Otashi dulika u lipule kutya, ‘Mbela otashi kwafa sha ngoo okupakulula oinima aishe?’ Potete, otashi dulika u pakulule mo ashike oinima oyo ya fimanenena. Ndele konima yomafiku onhumba, wa kenyanana eshi to kongo moinima yoye, owa hovela okupakulula oinima aishe. Ndele konima ashike eshi opo wa mane okupakulula, sho oshilemo otashi litumbu po, nowa pumbwa vali okuhovela okupakela. Osho itashi ka kala shipu ile tashi wapalele. Ashike Ovaisrael ova li hava “fikama po” diva. — Num. 9:17-22.
Ohatu linyenge ngahelipi ngeenge hatu pewa ewiliko la dja kuKalunga? Mbela ohatu li tula ngoo moilonga diva? Ile ohatu twikile ashike okuninga oinima ngaashi twa ikilila oku i ninga? Mbela otu shii ngoo ewiliko li li pefimbo li na sha nanghee tu na okukwatela komesho omakonakonombiibeli, okuudifila ovanhu ovo hava popi elaka limwe li lili, okuninga elongelokalunga loukwaneumbo pandjikilile, okulongela kumwe nOkomitiye yOkukwatafana nOipangelo nosho yo okulihumbata nawa poyoongalele? Ohatu ulike yo kutya otwa pandula ewiliko laKalunga mokutambula ko omapukululo. Ngeenge hatu ningi omatokolo a kwata moiti, ihatu kala twe lineekela mounongo wetu vene, ndele ohatu kongo ewiliko kuJehova nosho yo kehangano laye. Ngaashi okaana haka kongo eameno kovadali vako ngeenge oshikungulu sha pindjala, nafye ohatu kongo eameno mehangano laJehova, ngeenge twa taalela omaupyakadi ounyuni ou, oo taa faafanifwa noshikungulu.
Omamona opamhepo
it-1-E 199 okat. 3
Okwoongala
Efimano lokwoongala. Efimano lokulongifa pauyadi omafiloshisho aJehova e na sha nokwoongala opo tu mone ouwa pamhepo, ola divilikwa shi na sha nokwoongala kwokomudo kokudana Opaasa. Omulumenhu keshe oo a li a koshoka noka li molweendo, ashike okwa li a anya okudana Opaasa, okwa li e na okudipawa. (Num 9:9-14) Eshi ohamba Hiskia ya li ya shiva Ovajuda nosho yo Ovaisrael va ye kuJerusalem va ka dane Opaasa, oye va lombwela ya ti: “Nye Ovaisraeli, alukileni kOmwene Kalunga . . . Inamu kukutika eefingo deni ngaashi ooxo; yandjeni kOmwene omake ndele ileni kotembeli yaye, Ye e i yapula fiyo alushe, mu longele Omwene Kalunga keni, opo oupyuhandu waye u dje po punye. . . . Osheshi Omwene Kalunga keni Ye e nolune nonghenda, ndele ita ka pungulula oshipala shaye kunye, nye ngeenge tamu aluka kuye.” (2Omaf 30:6-9) Omunhu oo a li ina hala oku ka dana Opaasa, okwa li ta ulike kutya okwa efa po Kalunga. Nonande oivilo oyo ngaashi Opaasa, ihai danwa vali kOvakriste kunena, Paulus okwe va ladipika vaha efe po okwoongala pamwe noshiwana shaKalunga, a ti: “Natu kaleni tu na ko nasha navakwetu nokuladipikafana, opo tu kale tu holafane nokulonga oilonga iwa; inatu efa po okwoongala pamwe, ngaashi vamwe have shi ningi, ndele tu twaafaneni omukumo, unene tuu eshi tu wete efiku tali ehene popepi.” — Heb 10:24, 25; tala mo-Insight CONGREGATION.
15-21 MARSA
OMAMONA OMEENDJOVO DAKALUNGA | NUMERI 11-12
“Omolwashike tu na okuhenuka oikala yokungongota?”
Inamu ninga ovapwilikini ovadimbwanhu
Omuvalu munene wOvakriste ihau liyandje nande koluhaelo. Ndelenee otwa pumbwa okukala twa lungama tu he liefele meenghedi odo tadi twala koshihopaenenwa shokungongota osho tashi dulu okutwala mokuhahokiwa kuKalunga. Paulus ote tu londwele ta ti: “Ndele fye inatu shindeni Omwene, ngaashi vamwe [vomOvaisrael] va shindile, ndele va lika po komayoka. Ndele nye inamu ngongota yo ngaashi vamwe vomuvo va ngongotele, novanyonwa po komunyonauni.” (1 Ovakorinto 10:9, 10) Ovaisrael ova ngongotela Moses naAron — heeno, nova ngongotela yo nokuli Kalunga ye mwene — shi na sha nomanna oo a yandjwa pashikumwifilonga. (Numeri 16:41; 21:5) Mbela Jehova okwa li a nyematekwa kanini kokungongota kwavo shi dulife koluhaelo lavo? Ehokololo lOmbibeli otali ulike kutya ovangongoti vahapu ova dipawa komayoka. (Numeri 21:6) Oshikando shikwao sha tetekela, ovangongoti ovanashibofa ve dulife 14 700 ova hanaunwa po. (Numeri 16:49) Onghee hano inatu shonga nande elididimiko laJehova mokuhafimaneka omafiloshisho aye.
‘Inamu kala ovangongoti’
Oikala yOvaisrael kaya li tuu ya lunduluka! Eshi va li va mangululwa muEgipti nokupitifwa mEfuta Litilyana ova li va imbila Jehova tave mu hambelele omolwolupandu. (Exodus 15:1-21) Ndele molwaashi kava li ve na onghalamwenyo youdjeko fimbo va li mombuwa nomolwoumbada wokutila Ovakanaan, ova li va kanifa olupandu lavo ndele tava hovele okukala inava wanenwa. Ponhele yokutwikila okukala nolupandu lokupandula Kalunga eshi e va mangulula moupika, ova li tave mu pe oushima kutya okwe va ekelashi. Heeno, okungongota kwavo okwa li taku ulike kutya kava li ve na olupandu omolwomafiloshisho aJehova. Nomolwaasho Jehova okwa li a popya a ti: “Oshiwana eshi shii shi nondubo tashi ngongotele nge fiyo onaini?” — Numeri 14:27; 21:5.
it-2-E 719 okat. 4
Okutanguna
Okungongota. Okungongota ohaku teya omukumo. Diva konima eshi Ovaisrael va dja muEgipiti ova li va hovela okungongotela Jehova tava kongo omapuko movawiliki ovo a tula po, ovapiya vaye, Moses naAron. (Ex 16:2, 7) Lwanima okungongota kwavo okwa li kwa teya Moses omukumo, ndele ta pula a fye. (Num 11:13-15) Okungongota otaku dulu okukala kwa nyika oshiponga neenghono komungongoti. Jehova okwa li a tala ko oinima oyo ovangongoti va popya kombinga yaMoses, a fa ngeno ewiliko laYe olo la tukululilwa ounashibofa. (Num 14:26-30) Ovanhu vahapu ova fya omolwokungongota kwa tya ngaho.
Omamona opamhepo
it-2-E 309
Omanna
Efatululo. Omanna aa li ngaashi “eembuto dakoriander” nokwa li taa ‘monika’ a fa eka labedellion, a fa okalexita nokwa li hae li monikila a fa okawe. Okwa li e na omulyo wa fa ‘womungome u nomaadi eenyiki’ ile “oikuki yomaadi.” Konima ngeenge omanna a tuwa, ndele taa ningi oufila, okwa li haa fulukifwa ile taa ningwa oukuki nokumbakwa. — Ex 16:23, 31; Num 11:7, 8.
22-28 MARSA
OMAMONA OMEENDJOVO DAKALUNGA | NUMERI 13-14
“Nghee eitavelo hali tu ningifa tu kale tu na ouladi”
Ouladi oo hau etifwa keitavelo nosho yo ketilokalunga
Ndele nande ongaho, eendadi mbali domudo, Josua naKaleb, oda li da halelela okuya mEdu lEudaneko. Oda popya shi na sha nOvakanaan da ti: “Ohatu ke va pona po. Omupopili wavo e va efa, ndelenee Omwene e li pamwe nafye. Inamu va tila!” (Numeri 14:9) Mbela Josua naKaleb ova li ashike ve na omukumo nopehe na etomheno lasha? Hasho nandenande! Vo nosho yo oshiwana ashishe, ova li va mona nghee Jehova a li a fifa ohoni Egipti oshinaenghono nosho yo oikalunga yasho okupitila mOmahandukilo Omulongo. Okwa li yo va mona eshi Jehova a li a undulila Farao novakwaita vaye mEfuta Litilyana. (Epsalme 136:15) Osha yela kutya eendadi omulongo nosho yo ovo va li va nwefwa mo kudo kava li ve na etomheno lokukala va tila. Jehova okwa popya ta ulike okunyemata kwaye neenghono, a ti: ‘Fiyo onaini tava kala inava itavela nge, Ame nande nda ninga omadidiliko aa aeshe mokati kavo?’ — Numeri 14:11.
6 Jehova okwa li a popya kutya Ovaisrael ova li va tila omolwokuheneitavelo. Eitavelo nouladi oya pambafana filufilu, nomolwaasho omuyapostoli Johannes a li a shanga shi na sha neongalo lopaKriste nosho yo onghalonawa yalo yopamhepo a ti: “[Efindano] eli tali findi ounyuni olo eitavelo letu.” (1 Johannes 5:4) Kunena, Eendombwedi daJehova di dule pomamiliyona ahamano, ovanyasha novanamido, odo di na oukolele naado dihe na oukolele, otadi udifa onghundana iwa yOuhamba mounyuni aushe molwaashi odi na eitavelo la fa laJosua naKaleb. Kape na nande omutondi a dula okumweneka ongudu oyo yovakwaita vopafaneko ovanaenghono novaladi. — Ovaroma 8:31.
Omamona opamhepo
it-1-E 740
Edu olo Kalunga a li a pa Ovaisrael
EDU olo Kalunga a li a pa Ovaisrael ola li liwa. Eshi Moses a li a tuma eendadi di tetekele oshiwana di ka lave Edu lEudaneko nodi ete kutya ohamu di oilikolomwa ya tya ngahelipi, oda li da etelela eenghwiyu, oiimati yagranati nosho yo eshila lomandjebele olo la li la kula nola humbatwa kovalumenhu vavali komutengi. Nonande oda li da a luka ko da tila molwaashi da li dihe na eitavelo, oda popya kutya: Edu “otali tondoka omashini nomaadi eenyiki.” — Num 13:23, 27.
29 MARSA–4 APRILI
OMAMONA OMEENDJOVO DAKALUNGA | NUMERI 15-16
“Lungamena ounhwa nokukala we lineekela unene mwoove mwene”
Jehova oku ku shii ngoo?
Fimbo oshiwana shaIsrael sha li molweendo sha finda kEdu lEudaneko, Korah okwa li a fika pexulifodiladilo kutya melongekido laKalunga omwa li mu na sha shapuka. Opo nee, ovakwatelikomesho voshiwana shaIsrael vakwao vamwe ve fike po 250 navo ova li va yambidida ounashibofa waKorah, va li tava kendabala okweetifa po omalunduluko onhumba melongekido olo. Korah novalumenhu ovo ova li ve udite ouumbo molwaashi va li ve shii kutya ove na ekwatafano liwa naJehova. Opo nee, ova li va lombwela Moses tava ti: “Sha wana nee paife! Osheshi eongalo alishe vo aveshe ovayapuki. NOmwene oha kala mokati kavo!” (Num. 16:1-3) Ovalumenhu ovo kava li tuu ve na ounhwa nosho yo elineekelo muvo vene la pitilila! Moses okwa li e va lombwela a ti: ‘Omwene ota ka holola olyelye waye.’ (Lesha Numeri 16:5.) Korah novanashibofa vakwao aveshe ova ka dipawa kuJehova mefiku la ka landula ko. — Num. 16:31-35.
Jehova oku ku shii ngoo?
Moses naKorah ova li ve na etaleko la yoolokafana filufilu li na sha nanghee va li hava tale ko omalongekido aJehova nosho yo omatokolo aye. Eenghatu odo va li va katuka odo da li tadi ka ufa kutya Jehova ote ke va tala ko ngahelipi. Korah okwa li Omulevi Omukehati nokwa li e na omaufembanghenda mahapu. Pashihopaenenwa, otashi dulika a li umwe womwaavo va li va mona nghee Jehova a xupifa Ovaisrael eshi va li va taulula Efuta Litilyana. Otashi dulika a li yo a yambidida onghatu oyo Jehova a li a katukila Ovaisrael ovanashibofa pOmhunda yaSinai nokwa li ha kwafele mokuhumbata oshikefa shehangano. (Ex. 32:26-29; Num. 3:30, 31) Nopehe na omalimbililo, Korah okwa kala omudiinini kuJehova oule womido dihapu nomolwaasho a li a fimanekwa kOvaisrael vahapu.
Omamona opamhepo
w98 9/1 20 okat. 1-2
Fya Oshisho U Pitife Oinima Oyo Ya Fimana Komesho!
Jehova okwa li a tala ko oshikoya eshi sha kwata moiti. Ombibeli otai ti: “Opo nee Omwene okwa lombwela Moses: Omulumenhu ou e nokudipawa shili.” (Numeri 15:35) Omolwashike Jehova kwa li a tala ko osho sha ningwa komulumenhu ou kutya osha kwata moiti?
Oshiwana okwa li shi na omafiku ahamano omo tashi dulu okutyava oikuni osho yo okupongolola po eemhumbwe dasho di na sha noikulya, oikutu nosho yo eenhele dokukala. Efiku etiheyali okwa li ve na oku li longifa meemhumbwe davo dopamhepo. Nande kakwa li sha puka okutyava oikuni, okwa li sha puka okulongifa efimbo olo kwa li li na okulongifwa okulongela Jehova. Ndele nande Ovakriste kave li koshi yOmhango yaMoses, mbela kunena oshiningwanima eshi itashi tu hongo oshilihongomwa shiwa shokupitifa oinima oyo ya fimana komesho? — Ovafilippi 1:10.
5-11 APRILI
OMAMONA OMEENDJOVO DAKALUNGA | NUMERI 17-19
‘Aame efyuululo loye’
Owa ninga ngoo Jehova oshitukulwafyuululo shoye?
Ndele dimbuluka kutya nonande Ovalevi kava li va pewa oshitukulwafyuululo mEdu lEudaneko, ova li ve na okukala ve lineekela kutya Jehova ote ke va wanifila po eemhumbwe davo dopalutu molwaashi ova li va pitifa komesho elongelokalunga la koshoka. Jehova okwa li e va lombwela kutya oye ta ka kala ‘oshitukulwa shavo shefyuululo.’ (Num. 18:20) Nonande fye ihatu longo motembeli yo venevene ngaashi ovapristeri nOvalevi, ohatu dulu okuhopaenena oikala yavo mokukala twe lineekela kutya Jehova ote ke tu fila oshisho. Eshi hatu ende twa yuka komuxundalili womafiku axuuninwa, osha fimanenena okukala twe lineekela filufilu kutya Jehova ota dulu oku tu fila oshisho. — Eh. 13:17.
Jehova oye oshitukulwafyuululo shange
Ndele mbela omeityo lilipi Jehova a li a ninga oshitukulwafyuululwa shOvalevi? Omeityo olo kutya Jehova okwa li e va pa oufembanghenda we likalekelwa, ponhele yoku va pa oshitukulwa shedu shefyuululo muIsrael. Onghee hano, “oupristeri wOmwene” oo wa li wa ninga oshitukulwafyuululwa shavo. (Jos. 18:7) Eevelishe odo da dingilila Numeri 18:20 otadi tu kwafele tu mone kutya Ovalevi ova li hava wanifilwa po eemhumbwe davo dopalutu. (Lesha Numeri 18:19, 21, 24.) Ovalevi ova li ve na okupewa “oitimulongo aishe muIsrael i kale oshitukulwafyuululo omolweyakulwalonga vo tave li longo.” Ova li ve na okupewa eepersenda 10 doilikolomwa yOvaisrael nosho yo doinamwenyo yopeumbo oyo ya li ya tana. Ndele moinima aishe oyo Ovalevi va li hava pewa, navo ova li ve na okukufa mo oshitimulongo “muashishe eshi shiwelela” opo va yambidide ovapristeri. (Num. 18:25-29) Ovapristeri ova li yo hava pewa “eeshaliyambo adishe doinima iyapuki” odo da li hadi etwa kongulu yelongelokalunga kovana vaIsrael. Onghee hano, ovapristeri ova li ve na omatomheno mawa okukala va tomhwa kutya Jehova ote ke va fila oshisho.
Omamona opamhepo
g02-E 6/8 14 okat. 2
Omongwa oshinima shi na ondilo
Omongwa owa longifwa yo pafaneko tau ulike koshinima osho ihashi tengauka nohashi kalelele. Onghee hano, mOmbiibeli ehangano olo la li oshiteelelwa ola li hali ifanwa “ehangano lomongwa,” opo ovanhu va li hava li pamwe, nomongwa, opo ve li koleke. (Numeri 18:19) Koshi yOmhango yaMoses, omongwa owa li hau tulwa komayambo oo a li haa ningilwa koaltari, nopehe na omalimbililo tashi ulike kutya oshinima itashi nyonauka.
12-18 APRILI
OMAMONA OMEENDJOVO DAKALUNGA | NUMERI 20-21
“Kala omulininipiki ngeenge wa taalela omafininiko”
Kaleni ovananheni opo mu hafife Jehova
Ohatu ka henuka okuninga omapuko. Diladila vali kombinga yaMoses. Oule womido okwa kala ha tale onheni noha hafifa Jehova. Opo nee, okuyuka pexulilo lolweendo lidjuu lomido 40 mombuwa, Moses okwa li a dopa okutala onheni. Omumwainakadona, oo tashi dulika a xupifa omwenyo waye muEgipti, okwa fya nokwa pakwa muKades. Natango, Ovaisrael ova li tava ngongota kutya kava li tava filwa oshisho nawa. Pomhito oyo ova li va “twa eemhata naMoses” omolwomeva. Nonande Jehova okwa li a pa Moses eenghono dokulonga oikumwifilonga ihapu, na Moses okwa li va wilika nopehe na okuliholamwene, ova li va ngongota. Kava li ashike va ngongota omolwokuhe na omeva, ndele ova li yo va ngongotela Moses a fa oye a li e va fifa enota. — Num. 20:1-5, 9-11.
Kaleni ovananheni opo mu hafife Jehova
Molwaashi Moses okwa li a handuka, ka li vali a ngungumana. Ponhele a popye nemanya e na eitavelo, ngaashi Jehova e mu lombwela, okwa li a hanyena ovanhu nokwa li e litumbalekifa. Opo nee, okwa denga emanya luvali nomwa li mwa dja omeva mahapu. Okwa li a nyona enyono la kwata moiti omolwehandu nounhwa. (Eps. 106:32, 33) Molwaashi Moses ka li a tala onheni, ka li a pitikwa a ye mEdu lEudaneko. — Num. 20:12.
Moshihopaenenwa osho, ohatu lihongo mo oilihongomwa ya fimana. Shotete, otu na okulonga noudiinini tu kale hatu tale onheni. Ngeenge otwe lipwililike, ohatu ka kwatwa kounhwa ndele hatu ka popya nokukatuka shihe li pandunge. Oshitivali, ngeenge otwa stresa otashi ka kala shidjuu okutala onheni, onghee otu na okukendabala okukala ovananheni, nonande ohatu fininikwa.
w09-E 9/1 19 okat.5
Omutokoli oo ha popile ouyuki
Shotete, Kalunga ka li a lombwela Moses a popye novanhu, na Moses ka li e na oufemba woku va ula ovanashibofa. Oshitivali, Moses naAron ova li va dopa okufimanekifa Kalunga. Kalunga okwa ti: ‘Nye inamu yapula nge.’ (Ovelishe 12) Eshi Moses a ti kutya ‘ohatu mu kungulukifile omeva,’ okwa fa oye naAron va ninga oshikumwifilonga osho, ndele kashi fi Kalunga. Oshititatu, etokolo olo ola li metwokumwe nomatokolo onale. Kalunga kali a pitika epupi lotete lounashibofa li ye muKaanan, naasho osho a li a ningila Moses naAron. (Numeri 14:22, 23) Oshitine, Moses naAron ova li ovawiliki vOvaisrael. Ovo ve na oinakuwanifwa ihapu, otava ka pulwa shihapu kuKalunga. — Lukas 12:48.
Omamona opamhepo
Oho tale ko ngoo omaunghundi ovanhu ngaashi Jehova he a tale ko?
Monghalo keshe, Jehova okwa li ta dulu okuhandukila Aron pefimbo opo. Ashike Jehova okwa li e shii kutya nonande Aron okwa li a ninga omapuko peemhito da tya ngaho, ka li omunhu mwii. Osha fa shi li ngaha kutya Aron okwa efa eenghalo ile enwefemo lavamwe li mu kufe mondjila ya yuka. Ashike Aron okwa li a dimina nehalo liwa kutya okwa ninga epuko nokwa li a tambula ko omayele aJehova. (Ex. 32:26; Num. 12:11; 20:23-27) Jehova okwa li a hoolola okuyandja elitulemo keitavelo nokoikala yaAron yelivelombedi. Konima yomafelemido onhumba, Aron noludalo laye ova li natango tava dimbulukiwa ve li ovapiya vaJehova ovadiinini. — Eps. 115:10-12; 135:19, 20.
19-25 APRILI
OMAMONA OMEENDJOVO DAKALUNGA | NUMERI 22-24
“Jehova okwa li a lundulula efingo li ninge enangeko noupuna”
Ova li va ‘udifa evangeli laJesus’
Ngaashi mefelemudo lotete, nokunena omahepeko ihaa imbi oshiwana shaKalunga shi udife. Oshoshili kutya Ovakriste ohava fininikwa oikando ihapu va tembuke, tashi dulika va tulwe modolongo ile va twalwe koshilongo shimwe, ndele etembu la tya ngaho ohali kwafele ashike opo etumwalaka lOuhamba li udifilwe ovanhu ovo ve li keenhele oko. Pashihopaenenwa, pefimbo lOita Itivali yOunyuni, Eendombwedi daJehova oda li da dula okuyandja oundombwedi udidilikwedi nonande oda li da idililwa meekamba deenghwate daNazi. Omujuda umwe oo a li a shakeneka Eendombwedi meekamba daNazi okwa ti: “Ouladi weenghwate dEendombwedi daJehova owa li wa tomha nge ndi itavele kutya eitavelo lado ola kanghamena kOmishangwa, nomolwaasho onda ka ninga Ondombwedi.”
it-2-E 291
Oupwidi
Okupwiduka nokukala u li omhinge naJehova. Omuprofeti Bileam okwa li a hala okuxunganeka e li omhinge nOvaisrael opo a pewe oimaliwa kohamba Balak wOvamoab, ashike Jehova okwa li a ya moshipala eenghendabala daye. Omuyapostoli Petrus okwa sha kombinga yaBileam a ti kutya “ondongi oya li ya popya ngaashi omunhu tai kelele omuprofeti oo aha shikule ondjila ya puka.” Omuyapostoli okwa popya shi na sha noupwidi waBileam eshi a longifa oshitya shOshigreka paraphronia, osho shi na eityo lokulya meendunge doye. — 2Pe 2:15, 16; Num 22:26-31.
Omamona opamhepo
Omanenedhiladhilo okuza membo lyaNumeri
22:20-22 — Omolwashike ondjahi yaJehova ya hwamene Bileam? Jehova okwa li a lombwele omuprofeti Bileam kutya ke na okuthinga Aaisrael. (Numeri 22:12) Ihe omuprofeti okwa yi pamwe naalumentu yaBalak e na lela elalakano okuthinga Aaisrael. Bileam okwa li a hala okunyanyudha omukwaniilwa gwAamoab nokwa pewa ondjambi kuye. (2 Petrus 2:15, 16; Judas 11) Nokuli sho Bileam a li a ningithwa a yambeke Aaisrael pehala lyoku ya thinga, okwa li a lalakanene okuhokiwa komukwaniilwa a tye kutya aakiintu mboka haya galikana Baal oye na okulongithwa okupukitha aalumentu Aaisrael. (Numeri 31:15, 16) Onkee ano Kalunga okwa li a geyele omuprofeti Bileam molwolwiho lwe lunyanyalitha.
26 APRILI–2 MEI
OMAMONA OMEENDJOVO DAKALUNGA | NUMERI 25-26
“Mbela eenghatu daumwe otadi dulu ngoo okweetela vahapu ouwa?”
“KUKUMENI OLUHAELO”
OMUYULI weeshi oha ka kwata eeshi poima opo e shii kutya ope na eeshi doludi olo a hala. Oha hoolola okakulya noku ka tula kondjolo yaye ndele te i ekele momeva. Oha teelele nelididimiko, nongeenge oshi ya li ko kokakulya, ohai kwatwa kondjolo ndele te i nane mo momeva.
Sha faafana, ovanhu navo otava dulu okuyulwa. Pashihopaenenwa, Ovaisrael ova li va yulwa eshi va li pokuya mEdu lEudaneko fimbo va li va onga onhanda mOmalufilu aMoab. Ohamba yaMoab oya li ya udanekela omulumenhu wedina Bileam oimaliwa ihapu opo a finge Ovaisrael. Ashike Bileam okwa li a mona po onghedi imwe oyo Ovaisrael va li tava dulu okulietela oupyakadi kuvo vene. Okwa li a hoolola okakulya noukeka. Okwa li a tuma ovakainhu ovanyasha Ovamoab monhanda yOvaisrael opo ve ke va heke. — Numeri 22:1-7; 31:15, 16; Ehololo 2:14
“KUKUMENI OLUHAELO”
Omolwashike Ovaisrael vahapu va li va ya momwiyo waBileam? Omolwaashi ova li ashike tava diladila okuliwanifila po omahalo avo okuliholamwene, nova dimbwa ashishe osho Jehova e va ningila. Ovaisrael ova li ve na omatomheno mahapu okukala ovadiinini kuKalunga. Okwa li e va mangulula moupika wOvaegipti, e va palula mombuwa nokwe va amena fiyo opeengaba dEdu lEudaneko. (Ovaheberi 3:12) Ashike nande ongaho, ova li va kokelwa moluhaelo. Omuyapostoli Paulus okwa ti: “Inatu kaleni mohole yoipala, ngaashi vamwe vomuvo ve shi ninga.” — 1 Ovakorinto 10:8.
Omamona opamhepo
it-1-E 359 okat. 1-2
Eengaba
Osha fa shi li ngaha kutya omapata okwa li haa tukulilwa edu taku talika koinima ivali: okuumbilwa oshihoololifo nosho yo kounene wepata. Oshihoololifo otashi dulika shi kwate ashike oshitukulwa shimwe shedu osho sha fyuululwa kepata keshe, kungaho efyuululo ola li hali ningwa koshitukulwa shimwe shedu, ngaashi kolundume ile kolukadi, koushilo ile kouninginino, popepi noluhaela lokomunghulofuta ile koshitukulwa shokeemhunda. Etokolo li na sha noshihoololifo ola li la dja kuJehova, nola li hali kelele ondubo ile eenhamanana pokati komapata. (Omayel 16:33) Osho osha yela kutya Kalunga okwa li ha wilike oinima opo onghalo yepata keshe i kale metwokumwe naasho sha xunganekwa kutatekulululwa Jakob ofimbo ina fya, osho sha popiwa muGenesis 49:1-33.
Konima eshi oshihoololifo sha umbwa shi tokole kutya epata otali pewa oshitukulwa shilipi, otashi ka kala shi li xwepo okutokola kutya oshitukulwa otashi ka kala shi fike peni pakanghameno letomheno etivali kutya epata oli fike peni. Ombiibeli oya ti: “Ndele nye mu nokutaula edu olo efyuululwa pamapata eni. Kepata linene oshitukulwafyuululwa tashi ka ninga shinene, ndee kepata linini oshitukulwafyuululwa tashi ka ninga shinini.” (Num 33:54) Oshihoololifo otashi ka tokola kutya oshitukulwa shilipi po, ashike otapa dulu okuningwa elunduluko she likolelela kounene wefyuululo. Eshi kwa li kwa monika kutya oshitukulwa shaJuda osha kula unene, osha li sha tu kulwa, ndele oshitukulwa shimwe tashi yandjwa kepata laSimeon. — Jos 19:9.