Eedjo dokafo Onghalamwenyo yopaKriste noilonga yokuudifa
3-9 MEI
OMAMONA OMEENDJOVO DAKALUNGA | NUMERI 27-29
“Hopaenena Jehova mokukala uhe na okatongo”
Kala wa lenga omaukwatya aJehova pauyadi
14 Oukadona ovo vatano ova ya kuMoses nove mu pula tava ti: “Omolwashike edina latate tali ka dimwa po mepata laye, shaashi ye okwa li e he novana ovamati?” Nova indila tava ti: “Tu peni oshitukulwa mokati kovamwaina vatate ovalumenhu.” Mbela Moses okwa li e va nyamukula ta ti, ‘Ame itandi dulu oku mu kwafela molwaashi omhango hasho tai ti ngaho?’ Ahowe, Moses “okwa twala eendjovo davo koshipala shOmwene.” (Num. 27:2-5) Jehova okwa li e mu nyamukula ngahelipi? Okwa lombwela Moses ta ti: “Ovana oukadona vaSelofhad ova popya da yuka. Ove u noku va pa shili oshitukulwafyuululo mokati kovamwaina vaxe ovalumenhu [noshitukulwafyuululo] shaxe nashi ninge shavo.” Jehova okwa weda mo vali eendjovo dimwe mOmhango, eshi a lombwela Moses ta ti: “Umwe ngenge ta fi e he nomona omumati, nye mu nokupa omona okakadona oshitukulwafyuululo shaye.” (Num. 27:6-8; Jos. 17:1-6) Okudja opo, ovakainhu Ovaisrael aveshe ovo va li tave ke lihanga monghalo ya tya ngaho ova li tava ka pewa oshitukulwafyuululo.
Kala wa lenga omaukwatya aJehova pauyadi
15 Olo kala li tuu etokolo lopahole notali ulike okuhenonhondo! Jehova okwa li a ungaunga nefimaneko novakainhu ovo va li vehe na ekwafo lasha, ngaashi a ungaunga nOvaisrael vakwao. (Eps. 68:6) Olo oli li ashike limwe lomomahokololo mahapu omOmbibeli oo taa ulike kutya Jehova oha ungaunga novapiya vaye aveshe nopehe nonhondo. — 1 Sam. 16:1-13; Oil. 10:30-35, 44-48.
Kala wa lenga omaukwatya aJehova pauyadi
16 Ongahelipi hatu dulu okukala tuhe nonhondo ngaashi Jehova? Dimbuluka kutya okuhenonhondo okwa kwatela mo oinima ivali. Ngeenge katu na onhondo, opo ashike hatu ka dula okuungaunga navamwe nopehe nonhondo. Atusheni oshi na oupu tu diladile kutya otwa mangulukila keshe umwe nokatu na onhondo. Ashike otashi dulika u dimine kutya haalushe hashi kala shipu okushiiva kutya ohatu kala lela tu uditile ngahelipi vamwe. Ndele mbela oshike tu na okuninga po opo tu shiive kutya katu na shili onhondo? Eshi Jesus a li a hala okuuda kutya ovanhu ohave mu tile ngahelipi, okwa li a pula ookaume kaye ovalineekelwa ta ti: ‘Ovanhu ohava ti Omona wOmunhu Oye olyelye?’ (Mat. 16:13, 14) Omolwashike itatu hopaenene Jesus moshinima sha tya ngaho? Oto dulu okupula kaume koye omulineekelwa ngeenge owa shiivikila oukwatya wokuhenonhondo ile hasho. Ngeenge okwe ku lombwele kutya omafimbo amwe oho ungaunga nawa novanhu vomuhoko wonhumba, ile ovo ve na oiniwe ihapu ile ovahongwanhu shi dulife vamwe, oto ka ninga po shike? Ilikana kuJehova wa mana mo shi na sha nomaliudo oye, to mu indile e ku kwafele u lundulule oikala yoye opo u kale uhe nonhondo nandenande ngaashi ye. — Mat. 7:7; Kol. 3:10, 11.
Omamona opamhepo
it-2-E 528 okat. 5
Omayambo
Oikunwayambo. Oikunwayambo oya li hai yandjwa pamwe nomayambo makwao, unene tuu konima eshi Ovaisrael va li mEdu lEudaneko. (Num 15:2, 5, 8-10) Okwa li haa kala a kwatela mo omaviinyu (“oikunwa yoalkoholi”) nokwa li haa tilwa koaltari. (Num 28:7, 14; yelekanifa Ex 30:9; Num 15:10.) Omuyapostoli Paulus okwa li a shangela Ovakriste vomuFilippi a ti: “Nonande ohandi tilwashi ngaashi oshikunwayambo eshi handi yambidida oshilonga shiyapuki, onda hafa unene.” Paulus okwa longifa omupopyofano woshikunwayambo, opo a ulike nghee e na ehalo okuliyandja omolwOvakriste vakwao. (Flp 2:17) Diva, ofimbo ina fya, okwa li a shangela Timoteus a ti: “Ohandi tilwashi nale ngaashi oshikunwayambo nonda hala okumangululwa diva ndi ka kale pamwe naKristus.” — 2Tm 4:6.
10-16 MEI
OMAMONA OMEENDJOVO DAKALUNGA | NUMERI 30-31
“Wanifa po osho wa udaneka”
it-2-E 1162
Eano ile eudaneko
Ohali ningwa nehalo liwa, ashike ngeenge omunhu okwe li ningi, oku na oku li wanifa po. Eano ola li hali ningwa filufilu nehalo liwa. Ndele ngeenge omunhu okwe li ningi, okwa li e na oshinakuwanifwa pamhango shoku li wanifa po. Onghee hano, okwa popiwa kutya omunhu ‘okwa mangela eamo komwenyo waye,’ tashi ulike kutya onghalamwenyo aishe yomunhu oi na okuulika kutya ota wanifa po osho a popya. (Num 30:2; tala yo Rom 1:31, 32.) Molwaashi osho osha kwatela mo omwenyo, oshi shii okuudiwa ko eshi Omishangwa de tu ladipika kutya otu na okukala twa lungama ofimbo inatu ninga eano tu konakone nawanawa oinima aishe oyo ya kwatelwa mo. Omhango oya ti: “Ove ngeenge to udanekele Omwene sha, . . . Omwene Kalunga koye, ote ke shi pula shili kwoove ndele tashi ka ninga etimba loye. Ndelenee ngeenge ino udaneka eudaneko, ito ka pewa oushima.” — Deut 23:21, 22.
“Wanifa osho we shi udaneka”
Ngaashi sha popiwa mOmbiibeli, eano oli li eudaneko la fimana olo hali ningilwa Kalunga. Omunhu oha udaneke okuninga oshinima shonhumba, okuyandja omaano, okulonga oilonga yoludi lonhumba ile okulikaleka kokule noinima yonhumba. Eano ohali ningwa tashi di komutima nonehalo liwa. Ashike nande ongaho, eano oliyapuki noli na ongushu momesho aKalunga molwaashi omunhu oha ane kutya ota ka ninga oshinima shonhumba ile ite ke shi ninga. (Gen. 14:22, 23; Heb. 6:16, 17) Omishangwa oda popya shike kombinga yanghee okwaana kuKalunga sha kwata moiti?
Omanenedhiladhilo okuza membo lyaNumeri
30:6-8 — Omulumentu Omukriste ota vulu mbela okukaleka omauvaneko gomukiintu gwe? Shi na ko nasha nomauvaneko, Jehova ngashingeyi ohe endathana naalongeli ye pauhandimwe. Pashiholelwa, okwiiyapulila Jehova oku li euvaneko lyopaumwene. (Aagalati 6:5) Omusamane ke na uuthemba okukaleka euvaneko lya tya ngaaka. Ihe omukulukadhi oku na okuyanda okuninga euvaneko ndyoka tali kondjithathana nOohapu dhaKalunga nenge niinakugwanithwa mbyoka a pumbwa okukwathela omusamane gwe.
Omamona opamhepo
it-2-E 28 okat. 1
Jefta
Ovanhu ova li hava dulu okuyandjwa kuJehova va ka longe ketwalihangano. Ovadali ova li ve na oufemba wokuninga ngaho. Samuel oumwe womwaavo va li va yandjwa va ka longe ketwalihangano ngaashi ina Hanna a li a udaneka ofimbo Samuel a li ina dalwa. Eano olo ola li la diminwa komushamane waye Elkana. Diva konima eshi Samuel a tova, Hanna okwa li e mu yandja a ye ketwalihangano. Hanna okwa li yo a yandja eyambo loshinamwenyo eshi a twala Samuel ketwalihangano. (1Sam 1:11, 22-28; 2:11) Samson naye okwa li okaana kamwe oko ka li ka yandjwa ka ka longele Jehova ke li Omunasiri. — Ovatok 13:2-5, 11-14; yelekanifa eenghonopangelo odo ooxe ve na shi na sha novanakadona, ngaashi sha ulikwa muNum 30:3-5, 16.
17-23 MEI
OMAMONA OMEENDJOVO DAKALUNGA | NUMERI 32-33
“Mu nokutaataa oonakukalamo aveshe vedu”
w10-E 8/1 23
Owe shi shiiva tuu?
“Oikulundu” oyo ya popiwa lwoikando momishangwa dOshiheberi otai ulike kushike?
Eshi Ovaisrael va li pokuya mEdu lEudaneko, Jehova okwa li e va lombwela va hanaune po eenhele adishe delongelokalunga lOvakaanan ovo va li mo. Kalunga okwe va lombwela a ti: “Nye mu . . . nokuhanauna po oihongwafano yavo. Nosho yo mu nokuhanauna po oitelekwafano yavo aishe nokutokeka oikulundu yavo yokuyambela.” (Numeri 33:52) Ondingandinga oyo yelongelokalunga loipupulu otashi dulika ya li hai kala koxulo yoikulundudu ile ya tungwa ponhele yonhumba ngaashi koshi yomiti ile moilando. (1 Eehamba 14:23; 2 Eehamba 17:29; Hesekiel 6:3) Omwa li hamu kala ealtari, eengudi domamanya ile omiti domalupwelele, oihongwafano, eengudi detango nosho yo oinima ikwao i na sha nelongelokalunga.
w08-E 2/15 27 okat. 5-6
Osho hatu lihongo komapuko Ovaisrael
Kunena, otwa taalela omashongo mahapu a faafana naao a li a taalelwa kOvaisrael. Ovanhu kunena navo ohava longele oikalunga. Oikalunga oyo oya kwatela mo oimaliwa, ovo ve li dingi kokuninga oiyolifa, omanyakwa momaudano, ovanapolotika, ovawiliki vomalongelokalunga vamwe nosho yo nokuli oilyo imwe yomaukwaneumbo. Ohatu dulu okukala twa pitifa komesho monghalamwenyo yetu imwe yomoinima oyo. Okupanga oukaume wopofingo novanhu ovo vehe hole Jehova, otashi dulu okunyona po ekwatafano letu naYe.
Oluhaelo ola li tali dana onghandangala melongelokalunga laBaal, nola li la nana nokuhongaula Ovaisrael vahapu. Omwiyo wa faafana otau dana yo onghandangala nokunena mokati koshiwana shaKalunga. Pashihopaenenwa, omolwokatalekonawa nokuhenakonasha, omunhu ota dulu okunyona po eliudo laye liwa meumbo laye okupitila mokombiyuta. Kashi nyikifa tuu oluhodi ngeenge Omukriste okwa hongaulwa molwaashi a tala omafano oipala kointaneta!
it-1-E 404 okat. 2
Kanaan
Josua okwa li a katuka pandunge eshi “ina efa nande sha eshi ashishe Omwene a lombwela Moses” shi na sha nokuhanauna po Ovakaanan. (Jos 11:15) Ashike oshiwana shOvaisrael osha li sha dopa okushikula ewiliko laye, nokasha li sha hanauna po aveshe ovo va li tava nyateke oshilando. Eshi Ovakaanan va twikila okukala mokati kavo, osha li sha nwefa mo Ovaisrael, nomokweendela ko kwefimbo osha li yo sha etifa efyo lihapu (mwa kwatelwa ominyonena, oluhaelo nosho yo okulongela oikalunga), oinima oyo ngeno ya henukwa, ngeno ova dulikile kelombwelo lokuhanauna po Ovakaanan aveshe. (Num 33:55, 56; Ovatok 2:1-3, 11-23; Eps 106:34-43) Jehova okwa li a londwela Ovaisrael kutya oha tokola pauyuki noke na okatongo, nonokutya ngeenge Ovaisrael ova kala ve na ekwatafano nOvakaanan, tava hombolafana nokutambula ko eenghedindjikilile davo dopalongelokalunga nosho yo okukufa ombinga moinima oyo tai va ningifa va kale inava koshoka paenghedi, okwa li taku va ningifa navo va hanaunwe po, ‘nedu li va kunge mo.’ — Ex 23:32, 33; 34:12-17; Lev 18:26-30; Deut 7:2-5, 25, 26.
Omamona opamhepo
it-1-E 359 okat. 2
Eengaba
Konima ngeenge oshihoololifo osha ningwa, osho tashi ulike kutya epata olo otali ka kala peni, opo nee okwa li haku tokolwa kutya otali pewa oshitukulwa shi fike peni, she likolelela koshinima oshitivali: Ounene wepata. Ombiibeli oya ti: “Ndele nye mu nokutaula edu olo efyuululwa pamapata eni. Kepata linene oshitukulwafyuululwa tashi ka ninga shinene, ndee kepata linini oshitukulwafyuululwa tashi ka ninga shinini. Oshihoololifo ngaashi tashi ulikile epata keshe.” (Num 33:54) Etokolo loshihoololifo li na sha nonhele opo epata tali ka kala, ihali lunduluka, ndele ounene wefyuululo otau dulu okulundululwa. Onghee hano, eshi kwa li kwa monika kutya oshitukulwa shaJuda osha kula unene, okwa li kwa kufwa oshitukulwa, ndele tashi tukulilwa epata laSimeon. — Jos 19:9.
24-30 MEI
OMAMONA OMEENDJOVO DAKALUNGA | NUMERI 34-36
“Kala we lineekela muJehova”
Oho kongo ngoo ekwafo kuJehova?
4 Ovaisrael ova li hava ungaunga ngahelipi naavo va dipaa shihe fi oshiningilewina? Nonande oo a dipaa mukwao ine shi ningila owina, oha kala e na ondjo eshi a tilashi ohonde ihe netimba. (Gen. 9:5) Ashike omolwefilonghenda, okwa li a pitikwa a ye onhapo koshilando shimwe shomoihondamenolando ihamano. Ngeenge okwa i ko ota ka kala a amenwa. Omunhu oo a dipaa mukwao shihe fi oshiningilewina okwa li e nokukala moshihondamenolando fiyo osheshi omupristeli omukulunhu a fya. — Num. 35:15, 28.
Oho kongo ngoo ekwafo kuJehova?
6 Konima ngeenge omunhu a dipaa umwe shihe fi oshiningilewina, tete oku na ‘okushiivifila ovakulunhu voshilando eendjovo daye’ koshivelo shoshihondamenolando oko a ya onhapo. Okwa li e na okutambulwa ko nokupewa onhele. (Jos. 20:4) Konima yefimbo, okwa li e na okutuminwa kovakulunhu voshilando oko a dipaela mukwao, novakulunhu ovo ova li ve na oku mu tokola. (Lesha Numeri 35:24, 25.) Onhauki oya li ashike i na okushuna koshihondamenolando konima ngeenge va shiivifa kutya edipao olo ka li fi loshiningilewina.
Oho kongo ngoo ekwafo kuJehova?
13 Omunhu oo a dipaa mukwao shihe fi oshiningilewina oha kala a amenwa ngeenge okwa i moshihondamenolando. Jehova okwa popya shi na sha noihondamenolando oyo a ti: “Yo i kale eenhele dokuhondama.” (Jos. 20:2, 3) Jehova ka li a teelela omunhu oo a dipaa mukwao shihe fi oshiningilewina a tokolwe vali omolwenyono olo, nomupuli wetimba ka li a pitikwa a ye moshihondamenolando e ke mu dipae. Omudipai ina pumbwa okukala a tila shi na sha noilanduliko. Okwa li ha kala e li meameno laJehova ngeenge e li moshihondamenolando. Osho kasha li odolongo yeenhauki. Ngeenge a li e li moshihondamenolando okwa li ha pewa omhito yokulonga, yokukwafela vamwe noyokulongela Jehova nombili. Okwa li ha kala nonghalamwenyo ihafifa notai ti sha.
Omamona opamhepo
w91 2/1 24 okat. 13
Ekulilo Laaveshe La Wana Po
13 Ndele Adam naEva itava mono ouwa wekulilo. Omhango yaMoses oya li nefinamhango eli: “Nye inamu tambula nande oimaliwa yokukulila omudipai a kale nomwenyo, osheshi ye e netimba lokufya.” (Numeri 35:31) Adam ka li a pukifwa, etimba laye ola li hano lowina. (1 Timoteus 2:14) Eshi osha li tashi ti okudipaa oludalo laye, shaashi paife ova fyuulula okuhawanenena kwaye, hano va tokolelwa efyo. Osha yela kutya Adam okwa li a wana okufya, shaashi okwa hoololela owina okuhadulika komhango yaKalunga e li omulumenhu a wanenena. Ngeno Jehova okwa longifile ekulilo okudimina po Adam ngeno osha kondjifa omafinamhango aye ouyuki. Ofuto yondjabi yetimba laAdam, otai dimi po etokolo lefyo olo la tokolelwa oludalo laAdam! (Ovaroma 5:16) Pamhango, eenghono domatimba hadi hanauna kodjo yado oda tetwa ko lela. Omukulili ota ‘lolo efyo ponhele yaaveshe,’ nokwa humbata oishikuliko aishe yomatimba ounona aveshe vaAdam. — Ovaheberi 2:9; 2 Ovakorinto 5:21; 1 Petrus 2:24.
31 MEI–6 JUNI
OMAMONA OMEENDJOVO DAKALUNGA | DEUTERONOMION 1-2
“Etokolo olaKalunga”
w96-E 3/15 23 okat. 1
Jehova oku hole ouyuki
Ovo va nangekwa po ve li ovakulunhuongalo ova pewa oshinakuwanifwa shokutokola omanyono a kwata moiti. (1 Ovakorinto 5:12, 13) Ngeenge tava ningi ngaho, ohava dimbuluka kutya Kalunga omuyuki opo va ulike onghenda opo sha pumbiwa. Ngeenge omunyoni ine livela ombedi shili, onghenda itai dulu okuulikwa. Ashike ovakulunhuongalo kave na okukonda mo omunyoni meongalo molwaashi vehe na onghenda. Ove na elineekelo kutya ngeenge okwa kondwa ote ke livela ombedi. (Yelekanifa naHesekiel 18:23.) Koshi youkwamutwe waKristus, ovakulunhuongalo ohava longo pauyuki, naasho osha kwatela mo okukala ngaashi “oshikelelifo shokukelela omhepo.” (Jesaja 32:1, 2) Ova pumbwa okukala ve na ondjele nokuhakala nokatongo. — Deuteronomion 1:16, 17.
w02-E 8/1 9 okat. 4
Natu dulike noudiinini keenghonopangelo daKalunga
4 Okutokola okwa kwatela mo shihapu shi dulife okukala u shii Omhango. Omolwokuhawanenena, ovalumenhu ovakulunhu ova li va pumbwa okupashukila eamo lavo, ngaashi okuliholamwene, okatongo nosho yo olwisho, oinima oyo tashi dulika i pengife etokolo lavo. Moses okwe va lombwela a ti: “Nye inamu kala nokatongotongo mokutokola eendjovo davo; pwilikineni ou muxupi ngaashi mule. Inamu tila nande omunhu umwe, osheshi etokolo olaKalunga.” Ovatokoli vaIsrael ova li tava tokola ponhele yaKalunga. Osho kasha li tuu oufembanghenda wa denga mbada! — Deuteronomion 1:16, 17.
Omamona opamhepo
Omadimbulukifo aJehova oku shii okulineekelwa
9 Eshi Ovaisrael va li ve li pokuya molweendo mombuwa ‘itilifa’ olo la ka kwata oule womido 40, Jehova ka li e va pa ouyelele wokondadalunde komesho yefimbo u na sha nanghee a li te ke va wilika, te ke va amena noku va fila oshisho. Ndele nande ongaho, okwa ka kala ta ulike lwoikando kutya otava dulu okukala ve mu lineekela nosho yo omalombwelo aye. Jehova okwa li a longifa oluudi loshilemo omutenya nosho yo lomundilo oufiku opo a dimbulukife Ovaisrael kutya ote ke va fila oshisho eshi te va pitifa mombuwa. (Deut. 1:19; Ex. 40:36-38) Okwa kala yo te va wanifile po eemhumbwe davo da fimanenena. ‘Oikutu yavo inai kulupa neemhadi davo inadi dinda.’ “Inava hepa sha” nandenande. — Neh. 9:19-21.
7-13 JUNI
OMAMONA OMEENDJOVO DAKALUNGA | DEUTERONOMION 3-4
“Eemhango daJehova odi li pandunge nopauyuki”
it-2-E 1140 okat. 5
Eudeko
Okukonakona noukeka nokutula moilonga Eendjovo daKalunga nosho yo omalombwelo, otaku dulu okuningifa omunhu a kale e na owino muhapu e dule ovahongi vaye, neudeko li dule lovalumenhu ovakulunhu. (Eps 119:99, 100, 130; yelekanifa Luk 2:46, 47.) Molwaashi ounongo neudeko ohau di mokudulika keemhango nokomalombwelo aKalunga, Ovaisrael eshi va li va diinina oinima oyo, osha li sha ningifa oiwana oyo ye va dingilila i kale ye va tala ko ve na ‘ounongo neendunge.’ (Deut 4:5-8; Eps 111:7, 8, 10; yelekanifa 1Eeh 2:3.) Omunhu oo e na eudeko oha mono kutya Eendjovo daKalunga odiyapuki, noha kala a hala okukala metwokumwe nado nokupula ekwafo kuKalunga moshinima osho. (Eps 119:169) Oha efa Eendjovo daKalunga di ye moule (Mat 13:19-23), e di shangele moshipelende shomutima waye (Omayel 3:3-6; 7:1-4), nokukala e ‘tonde keshe tuu omufango woipupulu’ (Eps 119:104). Eshi Omona waKalunga a li kombada yedu okwa li a ulika eudeko eshi a li a efa a fye komuti womahepeko, molwaashi Omishangwa oda li di na okuwanifwa eshi ta fi monghedi ya tya ngaho. — Mat 26:51-54.
w99-E 11/1 20 okat. 6-7
Ngeenge okuyandja nehalo liwa kwa hapupala
Ohambakainhu oya li ya kumwa kwaasho ya uda naasho ya mona, noya popya nelininipiko ya ti: ‘Ava have ku yakula ovanelao, naaveshe hava udu ounongo wokanya koye.’ (1 Eehamba 10:4-8) Kaya li ya popya kutya ovapiya vaSalomo ova hafa molwaashi va dingililwa koupuna. Ponhele yaasho, ovapiya vaSalomo ova li va nangekwa noupuna molwaashi ova li hava pwilikine kounongo waSalomo oo a li a pewa kuKalunga. Ohambakainhu Omusheba oya tulila po oshiwana shaJehova kunena oshihopaenenwa shiwa, osho she lineekela mounongo wOmushiti washo nosho yo wOmona, Jesus Kristus.
Shikwao vali, osho sha li shididilikwedi oshosho ohambakainhu ya li ya lombwela Salomo ya ti: “Omwene Kalunga koye na hambelelwe.” (1 Eehamba 10:9) Otashi dulika ya li ya mona eke laJehova mounongo waSalomo nomoupuna waye. Osho oshi li metwokumwe naasho Jehova a li a udanekela Ovaisrael. Okwa ti kutya ‘okudulika keemhango dange’ oko “ounongo weni neendunge deni momesho oiwana, oyo tai ka uda eenghedimhango edi ndele tai ti: ‘Oshili, oshiwana eshi shinene oshovanhu ve nounongo neendunge.’” — Deuteronomion 4:5-7.
Ou na ngoo “oupuna puKalunga”?
13 Ngeenge Jehova ta nangeke noupuna oshiwana shaye, ohe shi nangeke noupuna monghedi ya denga mbada. (Jakob 1:17) Pashihopaenenwa, eshi Jehova a li a pa Ovaisrael edu, ola li li “yadi omashini nomaadi eenyiki.” Nonande edu laEgipti nalo ola li li yadi omashini nomaadi eenyiki, edu olo Jehova a li a pa Ovaisrael ola li la yooloka ko kedu laEgipti omolwoshinima shonhumba sha fimanenena. Moses okwa li a lombwela Ovaisrael a ti: “Edu tali kalelwa noshisho kOmwene Kalunga koye.” Eendjovo odo oda li tadi ulike kutya Ovaisrael ova li tava ka kala va hepuluka molwaashi Jehova okwa li te ke va fila oshisho. Ovaisrael ova li tava ka nangekwa noupuna munene kuJehova nokuhafela onghedi yokukalamwenyo i dule yoiwana aishe oyo ya li ye va dingilila, ngeenge ova kala ovadiinini kuye. Doshili, enangeko noupuna laJehova “olo tali likolifa.” — Numeri 16:13; Deuteronomion 4:5-8; 11:8-15.
Omamona opamhepo
Omanenediladilo okudja membo laDeuteronomion
4:15-20, 23, 24 — Mbela okudilikwa okuhaninga oihongwafano okwa li taku ti kutya osha puka okuhonga oinima omolwelalakano lokufeweka? Hasho. Okudilikwa oko okwa li ku na sha nokuninga oihongwafano i na sha nelongelokalunga — taku dilike ‘okulinyongamena koihongwafano noku i longela.’ Omishangwa itadi dilike okuhonga oinima ile okufaneka oinima omolwelalakano lokufeweka. — 1 Eehamba 7:18, 25.
14-20 JUNI
OMAMONA OMEENDJOVO DAKALUNGA | DEUTERONOMION 5-6
“Deuleni ovana veni va kale ve hole Jehova”
Ovadali, fileni oshisho eemhumbwe domaukwaneumbo eni
11 Shi na sha naasho, omushangwa oo hau tofwa mo luhapu oDeuteronomion 6:5-7. Pandjeni Eembibeli deni peevelishe odo noku di lesha. Didilika kutya ovadali otava lombwelwa tete kutya nava kulike oupamhepo wavo, va kulike ohole yavo yokuhola Jehova nokudiinina eendjovo daye momitima davo. Heeno, omwa pumbwa okukala ovakonakoni vEendjovo daKalunga va mana mo, sha hala okutya, omu na okukala hamu lesha Ombibeli pandjikilile nokudilonga kwaasho tamu lesha, opo mu kale neudeko lolela nohole yokuhola eendjila daye, omafinamhango aye neemhango daye. Oshidjemo, omitima deni otadi ka xunga eeshili dikumwifi dOmbibeli odo tadi ke mu linyengifa mu kale nehafo, etilofimaneko nohole yokuhola Jehova. Otamu ka kala mu na shihapu shiwa okulombwela ovana veni. — Lukas 6:45.
w07-E 5/15 15-16
Ongahelipi handi dulu okukwafela ovana vange va kale va hongwa shili?
Omalalakano oye, oinima oyo wa lenga nou na ohokwe muyo, ihai limonikila ashike mwaasho to popi, ndele nomwaasho yo to ningi. (Ovaroma 2:21, 22) Ounona ohave lihongo kwaasho ovadali vavo tava ningi ofimbo vanini. Ounona ohava tale kutya oshike sha fimana kovadali vavo, noinima ya tya ngaho luhapu oyo hai ka kala ya fimana kuvo. Ngeenge ou hole shili Jehova, ovana voye otave ke shi didilika. Pashihopaenenwa, otava ka mona kutya owa fimaneka okulesha Ombiibeli noku i konakona. Otava ka mona kutya owa pitifa komesho Ouhamba monghalamwenyo yoye. (Mateus 6:33) Ngeenge owa kala ho kala pokwoongala pandjikilile noho kufa ombinga moilonga yokuudifa Ouhamba, otava ka mona kutya oilonga yaJehova oyo ya fimanenena kwoove. — Mateus 28:19, 20; Ovaheberi 10:24, 25.
Ovadali, fileni oshisho eemhumbwe domaukwaneumbo eni
14 Ngaashi Deuteronomion 6:7 te shi popi, ope na eemhito dihapu opo ovadali tamu dulu okukundafana oinima yopamhepo novana veni. Ngeenge tamu ende pamwe, tamu longo meumbo pamwe, ile tamu fuda po pamwe, otamu dulu okulongifa eemhito da tya ngaho okuwanifila ovana veni eemhumbwe davo dopamhepo. Ndele inamu pumbwa okukala tamu “udifile” ovana veni eeshili dOmbibeli nope he na olufuwo. Ponhele yaasho, omu na okukendabala okukundafana monghedi tai tu omukumo, mwe likolelela koinima yopamhepo. Pashihopaenenwa, oifo yoAwake! ohai kala noitukulwa ihapu oyo tai kundafana oinima i lili noku lili. Oitukulwa ya tya ngaho otai dulu okukala odjo yeenghundafana di na sha neshito laJehova loinamwenyo, eenhele di na oushitwe muwa mounyuni nosho yo omaputuko ovanhu mahokwifa e lili noku lili neenghedi davo dokukalamwenyo. Eenghundafana da tya ngaho otashi dulika di linyengife ovanyasha va kale hava lesha luhapu oileshomwa oyo ya yandjwa kongudu yomupiya omudiinini nomunaendunge. — Mateus 24:45-47.
Omamona opamhepo
Ohole nouyuki muIsrael shonale
11 Oilihongomwa: Jehova oha mono shihapu shihe fi ashike eholokepo lokombada. Oha mono lela osho shi li meni, momitima detu. (1 Sam. 16:7) Kape na osho tashi dulu oku mu holekwa, kutya nee omadiladilo, omaliudo, ile eenghatu detu. Oha kala ta konenene omaukwatya etu mawa nohe tu ladipike tu a diinine. Ashike okwa hala yo tu didilike mo notu pangele omadiladilo mai ofimbo inatu katuka eenghatu dii. — 2 Omaf. 16:9; Mat. 5:27-30.
21-27 JUNI
OMAMONA OMEENDJOVO DAKALUNGA | DEUTERONOMION 7-8
“Inamu lihombolelafana haukwe nahaukwe”
w12-E 7/1 29 okat. 2
Omolwashike Kalunga a hala ovalongeli vaye va hombole ashike ovaitaveli vakwao?
Jehova oku shii kutya Satana okwa hala okuningifa oshiwana shaYe shi longele oikalunga. Kalunga okwa londwela kutya ovo vehe fi ovaitaveli ‘otave ke liteekifa ovana vavo ovamati kwaame, opo va longele oikalunga imwe.’ Osho osha li sha kwatela mo shihapu. Ngeenge oshiwana shaIsrael osha longele oikalunga, Kalunga ite ke shi hokwa noku shi amena, notashi ka kala oihakanwa yovatondi vasho. Ndele mbela Messias oo a li a udanekwa okwa li ta ka dja ngahelipi moshiwana osho? Osha yela kutya Satana okwa li e shii eshi ta ningi eshi a li a hala okuyula Ovaisrael va hombole ovo vehe fi ovaitaveli.
Omayele okuhombola ‘ashike mOmwene’ natango otaa longo ngoo?
Ashike mOmbibeli, Jehova okwe tu pa oshipango shokuhombola ashike mOmwene. Omolwashike mbela? Omolwaashi oku shii osho sha denga mbada kufye nokwa hala oku tu amena. Ina hala tu ninge ehoololo la puka olo tali ke tu yahameka nokukala inatu hafa. Pefimbo laNehemia, Ovajuda vahapu ova li va hombola ovakainhu ovo ihava longele Kalunga. Onghee hano, Nehemia okwa li e va dimbulukifa oshihopaenenwa shii shaSalomo, eshi a ti: “Okwa li omuholike waKalunga, ndele Kalunga e mu ninga ohamba yOvaisrael aveshe, ovalikadi ovanailongo ve mu nyonifa.” (Nehemia 13:23-26) Jehova oku shii kutya omadimbulukifo aye omawa kufye, nomolwaasho a lombwela Ovakriste va hombole ashike mOmwene. (Epsalme 19:8-11; Jesaja 48:17, 18) Otwe mu pandula neenghono molwaashi ohe tu pe omayele opahole noku shii okulineekelwa. Ngeenge ohatu dulika kuJehova e li Omupangeli wetu, otashi ulike kutya otwa tambula ko oufemba waye woku tu lombwela osho tu na okuninga. — Omayeletumbulo 1:5.
Lungamena eendafano loye momafiku aa axuuninwa
12 Ovakriste ovo va hala okuhombola ile okuhombolwa ove na okukala va lungama filufilu shi na sha naavo tava hoolola okweendafana navo. Eendjovo daKalunga ode tu londwela da ti: “Inamu humbata ondjoko imwe pamwe naava ve he neitavelo; osheshi ouyuki ou noukumwe washike nouhenouyuki? Ile ouyelele ou nekwatafano lashike nomulaulu?” (2 Ovakorinto 6:14) Ombibeli oya lombwela ovapiya vaKalunga va hombole ashike “mOmwene,” sha hala okutya va hombole ile va hombolwe ashike komunhu oo e liyapulila Jehova nokwa ninginifwa noha kala metwokumwe nomifikamhango daJehova. (1 Ovakorinto 7:39) Ngeenge owa hombola ile wa hombolwa komunhu a tya ngaho, oo e hole Jehova, oto ka kala u na kaume kopahombo oo te ke ku kwafela u kale omudiinini kuKalunga.
Omamona opamhepo
Jehova ohe tu pe osho twa pumbwa efiku keshe
4 Eilikano letu omolwomungome wakeshe efiku oli na yo oku tu dimbulukifa omhumbwe yetu yakeshe efiku yoikulya yopamhepo. Nonande okwa li a fya ondjala konima yokulidilika efimbo lile, Jesus okwa kondjifa eyeleko laSatana lokushitukifa omamanya omungome, a ti: “Okwa shangwa: Hakomungome auke omunhu ta kala e nomwenyo, ndelenee okondjovo keshe tai di mokanya kaKalunga.” (Mateus 4:4) Apa Jesus okwa tofa mo omuprofeti Moses, oo a li a lombwela Ovaisrael a ti: “[Jehova] e ku ninipika nokwe ku fifa ondjala nokwe ku lifa omanna aa inaa shiivika kuove nooxo yoye, opo e ku shiivifile nokutya, hakomungome auke omunhu ta kala e nomwenyo, ndelenee oye ta kala e nomwenyo okondjovo keshe tai di mokanya kOmwene.” (Deuteronomion 8:3) Monghedi omo Jehova a yandja omanna inai pa ashike Ovaisrael oikulya yopambelela ndele oye va honga yo oilihongomwa yopamhepo. Oshilihongomwa shimwe, ova li ve na ‘okuliongelela eendja defiku keshe.’ Ngeenge ova ongele dihapu di dule pwaado da wana efiku, odo da xupa po oda li hadi tameke okunyika nokuninga omainyo. (Exodus 16:4, 20) Ndelenee osho kasha li hashi ningwa mefiku etihamano eshi kwa li ve na okwoongela luvali opo va kale ve na naado va pumbwa mEshabata. (Exodus 16:5, 23, 24) Onghee hano, omanna okwe va dimbulukifa kutya ova li ve na okudulika nonokutya onghalamwenyo yavo inai likolelela ashike komungome ndele “okondjovo keshe tai di mokanya kOmwene.”
28 JUNI–4 JULI
OMAMONA OMEENDJOVO DAKALUNGA | DEUTERONOMION 9-10
“Omwene Kalunga koye ote ku pula shike?”
w09-E 10/1 10 okat. 3-4
Jehova okwa hala tu ninge shike?
Oshike tashi dulu oku tu linyengifa tu dulike kuKalunga nehalo liwa? Moses okwa popya oshinima shimwe a ti: ‘Tila Omwene Kalunga koye.’ (Ovelishe 12) Oo kau fi ashike oumbada wokutila oilanduliko ii, ndele ponhele yaasho, etilofimaneko lokutila Kalunga neendjila daye. Ngeenge otwa kala tu na etilofimaneko lokutila Kalunga ohatu ka henuka okuninga oinima oyo itai mu hafifa.
Ndele mbela oshike shi na oku tu linyengifa tu dulike kuKalunga? Moses okwa ti: ‘Kala u hole Jehova nokulongela Omwene Kalunga koye nomutima woye aushe nomwenyo woye aushe.’ (Ovelishe 12) Okukala u hole Kalunga osha kwatela mo shihapu shihe fi ashike omaliudo. Embo limwe lomauyelele ola ti: “Oityalonga yOshiheberi i na sha nomaliudo omafimbo amwe ohai yukifwa keenghatu odo hadi etifwa komaliudo oo.” Embo olo tuu olo ola ti kutya okukala u hole Kalunga osha kwatela mo “okukatuka eenghatu dopahole” omolwaye. Noitya imwe, ngeenge otu hole shili Kalunga, ohatu ka ninga oinima oyo tai mu hafifa. — Omayeletumbulo 27:11.
w09-E 10/1 10 okat. 6
Jehova okwa hala tu ninge shike?
Ngeenge otwa dulika nehalo liwa, ohatu ka mona omanangeko noupuna. Moses okwa ti: ‘Diinina oipango handi ku lombwele nena eli, opo u kale u nelao.’ (Ovelishe 13) Oipango yaJehova nakeshe osho te tu pula tu ninge, oshi na sha nouwa wetu. Osho otashi shiiva ngahelipi? Ombiibeli oya ti: “Kalunga oye ohole.” (1 Johannes 4:8) Onghee okwe tu pa oipango oyo tai tu etele ouwa tau kalelele. (Jesaja 48:17) Ngeenge otwa kala hatu ningi keshe osho Jehova te tu pula tu ninge, otashi ke tu kelela komaupyakadi mahapu paife, notashi ke tu etela omanangeko noupuna monakwiiwa taa kalele koshi yepangelo lOuhamba waye.
Oto dulu ngoo shili ‘okweehena popepi naKalunga’?
2 Tatekulululwa Abraham okwa li a ehena popepi naKalunga. Jehova okwa li a popya kutya Abraham ‘okaume kaye.’ (Jesaja 41:8) Doshili, Jehova okwa li a tala ko Abraham e li kaume kaye. Abraham okwa li e na ekwatafano lopofingo naJehova la tya ngaho, molwaashi okwa li a “itavela” muye. (Jakob 2:23) Kunena, Jehova oha kala yo a “hokwa” ovo have mu longele tave linyengifwa kohole. (Deuteronomion 10:15) Eendjovo daye otadi tu ladipike tadi ti: ‘Eheneni popepi naKalunga, opo nee Ye ta ehene kunye.’ (Jakob 4:8, yelekanifa NW.) Eendjovo odo otadi tu shivi tu ninge sha notadi tu udanekele sha yo.
Omamona opamhepo
it-1-E 103
Ovaanak
Oludi lovanhu vale novanene ovo va li hava kala koitukulwa yokeemhunda yaKaanan nosho yo koitukulwa imwe yokomunghulofuta, unene tuu kOlukadi. Pomhito imwe, ovanamati vatatu vaAnak, Ahiman, Sesai, naTalmai ova li va ya va ka kale kuHebron. (Num 13:22) Oko oko kwa li eendadi 12 da mona oshikando shotete Ovaanak, neendadi 10 oda li da yandja etumwalaka litilifa li na sha naasho da mona, noda li da popya kutya ovalumenhu ovo ove li oludalo lOvatongolume ovo va li ko fimbo Eyelu inali uya. Ovaheberi eshi va li ve liyelekanifa navo, ova li tava monika ngaashi “oshipaxu.” (Num 13:28-33; Deut 1:28) Oule wavo owa li wa longifwa eshi kwa li taku popiwa ovalumenhu ovatongolume Ovaemim nOvarefai. Eenghono davo oda li da ningifa opo pa totwe omupopyofano oo tau ti: “Olyelye ta dulu okulipopila kOvaanaki?” — Deut 2:10, 11, 20, 21; 9:1-3.